Mateo 5:24 - Livulu lya Shukulu Kalunga

²⁴ seza n̄ombelo yove ku mutula, akulivanga ya ukalisambese na mukweni, asinoni wiluka nakukombelela n̄ombelo yove.

Mateo 5:24 Iomraidhean Croise

Yombi 42:8

Ngecivene, ambateni vingombe va nkomba vatanu na vavali na majamba a vimanga vatanu na vavali mutwale kuli Yombi, co mukavakombelela kupwa n̄ombelo yeni vavenya. Yombi akamilombelela, co njikakumbulula lilombelo lyendi, kunjikamizivisa shwamwa ngwe mumwapandele. Yeni kumwendekele vya vushunga ali yange, ngwe mwalingile Yombi.”

Visimo 25:9

Nga akati kove na mukweni ali vimata, livwaeseni yeni vavenya akati keni, co kesi mulekeko vakweni veka lalo.

Mateo 23:23

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukaana kuli Njambi camulikumi nameme vyuma mukatovesa vyakulya, ngwe visapa-sapa amo akunika, na vyuma vyakunika lalo, na vije vyakunika vikwavo, oloni kumwesi kwononoka majwi a Lishiko lya Njambi, ngwe vushunga, na mema ku mbunge, nakukulaela. Evi munapande kuvilinga, kesi mulikele kulinga vikwavo.

Mateo 5:23

Ngecivene, nga ukombelela n̄ombelo ku mutula, co kuje vene wanuka mulonga uwavulumwine kuli mukweni,

Mako 9:50

“Mwongwa wapwa wauvwa, oloni nga ushamuka, utovala vatijo? “Co kaleni na mwongwa wa vusamba vwa kulitombola akati keni, kaleni mu kwoloka umo na mukwavo.”

1 Kolinte 11:28

Ngecivene, munu na munu aliilule ikeye vavenya akulivanga, asinoni alye likende nakunwa ku nganja.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.