Mateo 5:19 - Livulu lya Shukulu Kalunga

¹⁹ Ngecivene, woshe apokola lishiko limo lya ku majwi a Lishiko, co alongesa vanu ngeci valingemo, akapwa wamundondo mu Vumwene vwa mwilu, oloni woshe akawononoka nakuwalongesa vakwavo, akapwa wakama mu Vumwene vwa mwilu.

Mateo 5:19 Iomraidhean Croise

Myaso 119:128

Njikakava vilongesa vyove vyoshe, oloni njazinda vingila vyoshe vya kupenga-penga.

Myaso 119:6

Nga njitolilila mwamuvwa ku mashiko ove oshe, co kunjikalingi cuma cimo ca shwamwa.

Ndanyele 12:3

Co vaje vantwama va mana vakavyazima na ceke ca lilu. Co vaje valongesele vanu vavangi kulinga vya vushunga vakavyazima ku myaka yoshe ngwe vingongonosi.”

Mateo 11:11

Mwa vushunga njimileka ngwange, akati ka vanu voshe vaje vanakalako, kukwesi umo natuvakana Yowano Muka-kumbwitika. Oloni uje wamundondo mu Vumwene vwa mwilu ikeye natuvakana Yowano.

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 20:26

Eyi kesi ikeyo ngila akati keni embwe. Oloni woshe ashaka kupwa wakama, ikeye napande kupwa ngamba ya vakwavo voshe,

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Luka 1:15

Akapwa wakama ku mesho a Shukulu Kalunga. Kakanu vinyu nameme vyuma vyakulula vije vipendesa. Tunde akusemuka kwendi akashula na Munzinzime Wakujela,

Luka 11:42

“Tuyando tweni, vaFaliseo! Yeni mukaana kuli Njambi camulikumi a vyuma mukatovesa vyakulya ngwe visapa-sapa amo akunika, na luku, na visapa-sapa vikwavo, oloni muzinda vushunga nakuvyana cizemo ceni kuli Njambi. Evi munapande kuvilinga kujeneka kulikela kulinga vije vikwavo.

Luka 9:48

co wendekele kuli vakevo ngwendi, “Woshe atambula mwanike ou mu lizina lyange, co natambula yange vene, woshe uje anjitambula, natambula lalo uje wanjitumine. Omwo woshe uje napu wamundondo akati keni muvavoshe, ikeye napu wakama.”

Vilinga vya Miluwa 1:1

Kuli mukwetu Teofilo. Mu mukanda wange wakulivanga njasonekele vyuma vyoshe vije vyalingile Yesu nakulongesa kwendi kwoshe kutunda a simbu ije washangumuikle vipangi vyendi

Loma 3:8

Co vikajo kumwendeka ngweni, “Tulingeni vuvi ngeci vuvwa vusholoke?” Mwa vushunga, vanu vamo valinakunjishaula nakunjivangela ngwavo njinendeka cuma eci! Vakavahisa ngwe mucinapande.

Loma 6:1

Ngecivene, vikajo twendeka? Tunapande kutwalelelao kuyoya mu vuvi ngeci kutetela kwa Njambi kutume ndi?

Loma 6:15

Vatijo twendeka? Tunapande kulinga vuvi, omwo kutwesi ku lishiko oloni tuli mu kutetela kwa Njambi ndi? Embwe kesi ngoco!

Kwituluka mu Mashiko 12:32

“Vyuma vyoshe vije vinjinamishiki mukavilinga nakunyanyama. Kesi mukawezeleleko cuma cimo nambe kutundisako cuma cimo embwe.

Kwituluka mu Mashiko 27:26

“ ‘Cisingo ca Njambi cikale ali munu woshe uje kononoka majwi a mashiko a Njambi nakuwanyunga.’ “Co vanu voshe vakakumbulula ngwavo, ‘Ewa!’

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

1 Petulu 5:4

Co omo Kanyungi Wakama akasholoka, mukatambula cilongo ca vumpau cije kucikatsitsivala.

1 Yowano 3:4

Woshe uje alinga vuvi ali na mulonga wakupokola lishiko lya Njambi, omwo vuvi vukevwo kupokola lishiko.

Kujombolola 2:20

Oloni kuli cimo njalinyenge ali yove, unecelela uje munakazi Njezevele, uje alinakulitumbula ikeye vavenya ngwendi muluwa wa Njambi. Kulongesa kwendi kulinakutwamenena vangamba vange kulinga vupangala nakulya vyakulya vyakukombelela ku tumponya.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.