Mateo 5:18 - Livulu lya Shukulu Kalunga

¹⁸ Mwa vushunga njimileka ngwange, kuvanga lilu na asi vineti, oloni ku majwi a Lishiko kukukatundu kalilaka kamo, nambe kakandondo, kuvanga vyoshe vanavishulisa.

Mateo 5:18 Iomraidhean Croise

Myaso 102:26

Vyoshe evi vikahwa, oloni yove kuuli, vikevyo lalo vikakula ngwe vuzalo. Yove ukavitengulula ngwe muukatengulula vuzalo, co vyoshe vikanyonga.

Myaso 111:8

Mashiko endi akala ku myaka yoshe, vaanene mu kulongwa na mu vushunga.

Myaso 119:152

Ku san̄ulu njalilongesele mashiko ove, njawanene ngeci akewo waapwisile ngeci akaleko myaka yoshe.

Isaya 40:8

Eyo, mwila ujujwama, na vishani vyuma, oloni lijwi lya Njambi yetu likakala simbu yoshe.”

Isaya 44:26

Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Isaya 51:6

Kengeni kwilu, co kengeni lalo asi, lilu likahwa vwasi ngwe vwisi, na lifuti likasanyozoka ngwe vuzalo vwalaja, co vanu vamwo voshe vakatsa ngwe vinzinzi. Oloni kwamena kwange kukapwa kwa myaka yoshe, kuhyana kwange kukapwa kwa myaka yoshe.

Mateo 10:15

Mwa vushunga njimileka ngwange, a Litangwa Lyakusompa Njambi akamwesa vaka-Sondoma na vaka-Ngomola mema ku mbunge kutuvakana nganda ije!

Mateo 10:23

Omo vakamiyandesa mu limbo limo, teweleni ku limbo likwavo. Omwo mwa vushunga njimileka ngwange, kumukamanesa vipangi vyeni vyoshe mu membo a Isalele simbu kanda Muna Munu aije.

Mateo 10:42

Co woshe uje aana nganja ya mema akutonola kuli umo wa ava vavandondo omwo napu muka-kunjikava, mwa vushunga njimileka ngwange, akatambula cikandelela.”

Mateo 11:11

Mwa vushunga njimileka ngwange, akati ka vanu voshe vaje vanakalako, kukwesi umo natuvakana Yowano Muka-kumbwitika. Oloni uje wamundondo mu Vumwene vwa mwilu ikeye natuvakana Yowano.

Mateo 13:17

Mwa vushunga njimileka ngwange vaka-kwimanena vavangi na vanu va Njambi vavangi vashakele manene kumona vije vimulinakumona, oloni kuvavimwene, co nakuziva vije vimulinakuziva, oloni kuvavizivile.

Mateo 16:28

Mwa vushunga njimileka ngwange, kuvali vamo kuno kuvakatsi kuvanga vanamono Muna Munu alinakwija mu vumwene vwendi.”

Mateo 17:20

Yesu wavalekele ngwendi, “Omwo kukulaela kweni kwakundondo. Mwa vushunga njimileka ngwange nga kukulaela kweni kunapu kwakama ngwe kanona ka mbuto ya musalata, mwasa kwendeka ku munkinda ngweni, ‘Tunda kuno, ya kuje.’ Co ukaya, co nga nacimo cai cimukonwa!

Mateo 18:18

“Mwa vushunga njimileka ngwange, vyuma vyoshe vimukakuta ano asi, na mwilu vakavikuta lalo, co vyuma vyoshe vimukazitula ano asi, vakavizitula lalo mwilu.

Mateo 18:3

co wendekele kuli vakevo ngwendi, “Mwa vushunga njimileka ngwange, kuvanga mutenguluke nakupwa ngwe vanike vavandondo, kumukakovela mu Vumwene vwa mwilu.

Mateo 19:23

Co Yesu wendekele kuli vandongisi vendi ngwendi, “Mwa vushunga njimileka ngwange, cikapwa cacikalu kuli vaka-kufuka kukovela mu Vumwene vwa mwilu.

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 21:21

Co Yesu wavakumbulwile ngwendi, “Mwa vushunga njimileka ngwange, nga mukulaela nakujeneka vimata, mukasa kulinga evi vinjinalingi ku muti ou wa mukuyu. Co kesi evi lika embwe, oloni mukasa nameme kwendeka ku lilundu eli ngweni, ‘Katuka ulyumbile mu mema a kalunga,’ co likalyumbila vene.

Mateo 21:31

Iyajo akati kaava vanu vavali walingile cizango ca ishavo?” Vamukumbulwile ngwavo, “Uje mwana wa mukulunu.” Ngecivene, Yesu wendekele kuli vakevo ngwendi, “Mwa vushunga njimileka ngwange, vaka-kutambula lisimu na vikwizi vakalivanga kukovela mu Vumwene vwa Njambi, yeni mukakotokela.

Mateo 23:36

Mwa vushunga njimileka ngwange, cihiso coshe eci cikaija ali vanu va matangwa ano!

Mateo 24:2

Oloni Yesu wendekele ngwendi, “Munamono vinjuvo vyoshe evi ndi? Kukukakala limanya limo likasala mu mutambela walyo, oshe akasiwuka.”

Mateo 24:47

Mwa vushunga njimileka ngwange, shukulu yendi akamwana moko yakumunyungila vyuma vyendi vyoshe.

Mateo 25:12

Oloni wavakumbulwile ngwendi, ‘Mwa vushunga njimileka ngwange, kunjimizivuka.’ ”

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Mateo 25:45

Asinoni akavakumbulula ngwendi, ‘Mwa vushunga njimileka ngwange, omo kumwacilingile kuli umo wa ava vavandondo, kumwacilingile kuli yange.’

Mateo 5:26

Mwa vushunga njikuleka ngwange, kuukatundumo kuvanga unafwete vimbongo kumanesa mulonga wove.

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Mateo 6:2

“Ngecivene, omo mwana cuma kuli muka-kujeneka, kesi mulimwese embwe, ngwe muvakalingi vaka-civembulu mu masinangonge na mu vingila, ngeci vanu vavashangazale. Mwa vushunga njimileka ngwange, vanatambula laja cikandelela cavo.

Mateo 8:10

Omo wazivile evi, Yesu walikomokelele, co wendekele kuli vanu vaje vamukavele ngwendi, “Mwa vushunga njimileka ngwange, nameme mu lifuti lya Isalele, kumwesi muka-kukulaela wangacije.

Mako 10:15

Mwa vushunga njimileka ngwange woshe katambula Vumwene vwa Njambi ngwe mwanike wamundondo, kakakovelamo.”

Mako 10:29

Yesu wendekele kuli vakevo ngwendi, “Eyo, mwa vushunga njimileka ngwange woshe uje naseza limbo lyendi, nambe vandolome vendi, nambe vandokazi vendi, nambe vaina, nambe ishe, nambe vana vendi, nambe mahya endi, omwo yange, nambe omwo Vin̄anda Vyavivwa,

Mako 11:23

Mwa vushunga njimileka ngwange woshe uje akendeka ku lilundu eli ngwendi katuka ulyumbile mu mema a kalunga, co kalingi vimata mu mbunge yendi, oloni akulaela lika ngeci vije alinakwendeka vikalingiwa, vakamulingilavyo.

Mako 12:43

Co Yesu wasanene vandongisi vendi voshe, wendekele kuli vakevo ngwendi, “Mwa vushunga njimileka ngwange ou fwile wa kautu nalambula vyavingi kutuvakana voshe.

Mako 13:30

Mwa vushunga njimileka ngwange vyuma vyoshe evi vikalingiwa simbu kanda vanu ava valinakuyoya ololo voshe vatse.

Mako 14:18

Omo vakele nakulya ku mesa, Yesu wendekele ngwendi, “Mwa vushunga njimileka ngwange umo akati keni akanjenda vungungu, uje alinakulya amo nange.”

Mako 14:25

Mwa vushunga njimileka ngwange, kutunda lelo kunjikanu neni lalo vinyu kuvanga noo a litangwa lije njikanwa neni vinyu vyaviha mu Vumwene vwa Njambi.”

Mako 14:30

Co Yesu wakumbulwile Petulu ngwendi, “Mwa vushunga njikuleka ngwange vutsiki vuno vene simbu omo ndemba kanda atambeke luvali, ukanjivyana visimbu vitatu ngwove kuunjizivuka.”

Mako 14:9

Co mwa vushunga njimileka ngwange kwoshe kuvakambulwila evi Vin̄anda Vyavivwa mu kaye koshe neci lalo canalingi ou munakazi, vakacambulula nakumwanukilao.”

Mako 3:28

“Mwa vushunga njimileka ngwange, vivi vyoshe na kushaula kwoshe vakavisambesa.

Mako 6:11

Co nga muketa ku nganda imo kuje vanu kuvakamitambula mwamuvwa nambe kumitolilila, tundeniko, co totomoneni likungu ku myanja yeni. Eci cikapwa vukaleo kuli vakevo.”

Mako 8:12

Oloni Yesu walisisumwine, co wendekele ngwendi, “Omwo vikajo vanu valelo valinakulomba kuvamwesa cizivukiso? Mwa vushunga njimileka ngwange, embwe! Kukwesi cizivukiso cakwana kuli vanu ava!”

Mako 9:1

Co wendekele lalo ngwendi, “Mwa vushunga njimileka ngwange, kuvali vamo kuno vaje kuvakatsi kuvanga vanamono Vumwene vwa Njambi vunaija na nzili.”

Mako 9:41

Mwa vushunga njimileka ngwange munu woshe uje amyana mema akunwa omwo yeni mwakundama kuli yange mwa vushunga vene akatambula cikandelela cendi.

Luka 11:51

tunde akutsiya Avele nakweta akutsiya Zakaliya uje vatsiilile mukati ka mutula na Mwela Wakujela. Eyo, njimileka ngwange, vanu va simbu ino vakavanyanyamesa voshe!

Luka 12:37

Vanavezika vangamba vaje omo shukulu yavo aija avawana kuvesi mu tulo valinakumukengelela! Mwa vushunga njimileka ngwange, ikeye akalizitika mwiva mu mbunda, akavaleka ngeci vatumbame, co akavana vyakulya.

Luka 13:35

Ngecivene, Njuvo yove ya Shukulu Kalunga vakaiseza nakuyivala. Njikuleka ngwange, kuukanjimono lalo embwe, kuvanga noo simbu ikaija omo ukendeka ngwove, ‘Njambi amuvezikise ou aija mu lizina lya Mwene.’ ”

Luka 16:17

Oloni cinapu cacasi lilu na asi kuhwa kutuvakana lijwi limo lyalindondo ku Mashiko awa ngeci valitundise.

Luka 18:17

Mwa vushunga njimileka ngwange, woshe katambula Vumwene vwa Njambi ngwe mwanike wamundondo, kakakovelamo.”

Luka 18:29

Yesu wendekele kuli vakevo ngwendi, “Eyo, mwa vushunga njimileka ngwange woshe uje naseza limbo lyendi, nambe munakazi wendi, nambe vandolome vendi, nambe visemi vendi, nambe vana vendi, omwo Vumwene vwa Njambi

Luka 23:43

Yesu wamulekele ngwendi, “Mwa vushunga njikuleka ngwange, lelo vene ukakala nange mu Citungu ca Njambi.”

Luka 4:24

Mwa vushunga njimileka ngwange, muka-kwimanena naumo wai ivatambula mwamuvwa mu nganda yendi.

Yowano 1:51

Co Yesu wendekele kuli vakevo ngwendi, “Mwa vushunga njimileka ngwange, mukamona lilu linashokoloka, co na tungelo va Njambi valonda nakushuluka ali Muna Munu.”

Yowano 10:1

“Mwa vushunga njimileka ngwange, nga munu kakovelela ku cikolo ca limba, oloni alondela kweka, uje munu napu mwizi na lipwepwe.

Yowano 10:7

Ngecivene, Yesu wendekele lalo ngwendi, “Mwa vushunga njimileka ngwange, yange cikolo ca vimanga.

Yowano 12:24

Mwa vushunga njimileka ngwange, kuvanga nona ya tiliku iwile mu livu na kutsa. Nga itsa, asinoni ima vinona vyavingi.

Yowano 13:16

Mwa vushunga njimileka ngwange, ndungo naumo wai natuvakana shukulu yendi, nameme muluwa naumo wai natuvakana uje wamutumine.

Yowano 13:38

Yesu wakumbulwile ngwendi, “Kuma mwa vushunga unalivwaesela cimweja kutsa amo nange ndi? Mwa vushunga njikuleka ngwange, simbu ndemba kanda atambeke ukanjivyana visimbu vitatu ngwove kuunjizivuka.”

Yowano 14:12

Mwa vushunga njimileka ngwange, woshe uje akulaela kuli yange akalinga vipangi vije vinjilinga, eyo, akalinga vipangi vyakama kutuvakana evi, omwo njilinakuya kuli Tate.

Yowano 16:20

Mwa vushunga njimileka ngwange, mukalila nakusikoka manene, oloni vaka-kaye vakajolela, mukakala na vusiwa, oloni vusiwa vweni vukatenguluka kupwa kujolela.

Yowano 16:23

“Omo litangwa lije likaija, kumukanjilombo cuma cimo. Mwa vushunga njimileka ngwange, nga mukalomba cuma coshe kuli Tate mu lizina lyange akamyanaco.

Yowano 21:18

Mwa vushunga njikuleka ngwange, omo wapwile mukwenje, walivwaesele nakuya kwoshe kuwashakele, oloni omo unakuluvala, ukolola mavoko ove, co weka akakukuta nakukutwala kuje kuwashakele kuya.”

Yowano 3:11

Mwa vushunga njikuleka ngwange, twendeka vije vituzivuka, co twambulula vukaleo vwa vije vitunamono, oloni yeni ku mutambula muzimbu wetu.

Yowano 3:3

Yesu wamukumbulwile ngwendi, “Mwa vushunga njikuleka ngwange, naumo wai asa kumona Vumwene vwa Njambi kuvanga asemuke luvali.”

Yowano 3:5

Yesu wamumbulwile ngwendi, “Mwa vushunga njikuleka ngwange, naumo wai asa kukovela mu Vumwene vwa Njambi kuvanga asemuke ku mema na ku Munzinzime Wakujela.

Yowano 5:19

Ngecivene, Yesu wavakumbulwile ngwendi, “Mwa vushunga njimileka ngwange, Mwana kasa kupanga cuma cimo endi lika, akalingi lika vije amona Ishe alinga. Omwo vije vyalinga Ishe, vikevyo lalo vyalinga Mwana.

Yowano 6:26

Yesu wavakumbulwile ngwendi, “Mwa vushunga njimileka ngwange, munanjishakezeka kesi omwo mwamwene vizivukiso vyange embwe, oloni omwo mwalile makende nakukuta.

Yowano 6:32

Yesu wendekele kuli vakevo ngwendi, “Mwa vushunga njimileka ngwange, Mosesa kamyanene makende akutunda kwilu, Tate ikeye amyana likende lya vushunga lyakutunda kwilu.

Yowano 6:47

Mwa vushunga njimileka ngwange, uje akulaela ali na mwonyo wa myaka yoshe.

Yowano 6:53

Ngecivene,Yesu wendekele kuli vakevo ngwendi, “Mwa vushunga njimileka ngwange, nga kumuli muvila wa Muna Munu nakunwa maninga endi, kumukakala na mwonyo.

Yowano 8:34

Yesu wendekele kuli vakevo ngwendi, “Mwa vushunga njimileka ngwange, munu woshe alinga vuvi napu ndungo ya vuvi.

Yowano 8:51

Mwa vushunga njimileka ngwange, woshe ononoka vilongesa vyange kakatsi.”

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

1 Petulu 1:25

Oloni lijwi lya Mwene lyakala myaka yoshe.” Lijwi eli likelyo Vin̄anda Vyavivwa vije vivambulwile kuli yeni.

Kujombolola 20:11

Co njamwene litanda lyakama lyakutoka na uje watumbameneo. Kaye na lilu vyatewele ku mesho endi, co kuvavimwene lalo.