Mateo 5:15 - Livulu lya Shukulu Kalunga

¹⁵ Naumo wai ashwameka ndeya, co ayaka mwisi ya lyendeko, oloni ayaka a mesa ngeci itwile ceke voshe vaje vali mu njuvo.

Mateo 5:15 Iomraidhean Croise

Kutuuka 25:37

Co fula vindeya vitanu na vivali a citumbikilo cavyo nakuvimika ngeci vitwile ceke mukati ka Mbalaka.

Zakaliya 4:2

Wanjihwile ngwendi, “Vikajo wamono?” Co njamukumbulwile ngwange, “Njamono citumbikilo ca ndeya ca ngolinde. Co akamwa ali lilonga lya mazi. Co a citumbikilo ca ndeya ali vindeya vitanu na vivali, co ndeya imo na imo ili na mitetango itanu na ivali.

Kulava 8:2

“Leka Alone ngwove, omo ushwameka vindeya vije vitanu na vivali, vinapande kutwila ceke kulutwe lwa citumbikilo ca vindeya.”

Mako 4:21

Co Yesu wendekele lalo ngwendi, “Kuma umo asa kwambata ndeya, co ayaka mwisi ya lyendeko nambe mwisi ya vulili ndi? Kuma kakayaka a citumbikilo ca vindeya ndi?

Luka 11:33

“Naumo wai ashwameka ndeya, co a ishweka, nambe ayaka mwisi ya lyendeko, oloni ayaka a citumbikilo ca vindeya, ngeci vaje vakovela mu njuvo vamone ceke.

Luka 11:36

Nga muvila wove woshe unashulu na ceke, co mutambela naumo wai uli mu lisusulungu, co woshe ukakala na ceke, ngwe omo ndeya itwa ceke ali yove.”

Luka 8:16

“Naumo wai ashwameka ndeya, co ayaka mwisi ya lyendeko nambe mwisi ya vulili. Oloni ayaka a citumbikilo ca vindeya, ngeci vaje vakovela mu njuvo vamone ceke.

Filipu 2:15

ngeci mupwe vaka-kujeneka mulonga na vaka-kujeneka kapayo ngwe muvanapande kupwa vana va Njambi, vaje valinakuyoya mu kaye ka kupenga-penga na akati ka vanu vaka-vuvi. Yeni munapande kutwa ceke akati kavo ngwe vingongonosi vitwa ceke mwilu,

VaHevelu 9:2

Co vatungile mbalaka ya anja vaitumbwile ngwavo Mwela Wakujela. Muje mwakele citumbikilo ca ndeya na mesa na likende lyakukombelela kuli Njambi.

Kujombolola 2:5

Anuka kuje kuunawila! Tenguluka ku vivi vyove nakulinga vije viwalingile akulivanga. Nga shove kutenguluka ku vivi vyove, co yange njikaija kuli yove nakutundisa citumbikilo ca ndeya yove mu mwela waco.