Mateo 5:12 - Livulu lya Shukulu Kalunga

¹² Vwaeleleni nakujolela manene, omwo vanamitulikila cikandelela ceni cakama mwilu. Omwo omu mukemwo muvayandeselele vaka-kwimanena vaje valivangele kulutwe lweni.

Mateo 5:12 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

1 Vimyene 18:13

Kuma yove kuwazivile ngeci Njezevele nakele nakutsiya vaka-kwimanena va Shukulu Kalunga, yange njashwekao 100 mu manzenzengoma, mu vimbunga vivali mumo makumi atanu mukwavo makumi atanu, co njavanene vyakulya na mema?

1 Vimyene 18:4

omo Njezevele wakele nakutsiya vaka-kwimanena va Shukulu Kalunga, Ovandiya wambateleo vaka-kwimanena 100, co wavashwekele mu manzenzengoma mu vimbunga vivali mumo makumi atanu mukwavo makumi atanu, co wavanene vyakulya na mema.)

1 Vimyene 19:2

Co Njezevele watumine lijwi kuli Elinja ngwendi, “Mwa vushunga vinjambi vanjitsiye nga imene a simbu ino vene kunjalingile cuma cimo kuli yove cije walingile kuli vaka-kwimanena.”

1 Vimyene 21:20

Omo Ahave wamwene Elinja, wendekele ngwendi, “Wanjiwana oni citozi cange?” Elinja wakumbulwile ngwendi, “Eyo, njakuwana. Yove wakakateya kulinga vije vya vunyengwe ku mesho a Shukulu Kalunga.

1 Vimyene 22:8

Ahave wamukumbulwile ngwendi, “Kwali, Mikaya muna Imela. Oloni yange njamuzinda omwo ikeye simbu yoshe kesi kwambulwila vuka-kwimanena vwavuvwa ali yange, oloni vwavuvi lika.” Njosefati wamukumbulwile ngwendi, “Mwene kapandele kwendeka ngacije embwe!”

2 Vimyene 1:9

Ngecivene, mwene watumine mwata umo na vanu makumi atanu kukashaka Elinja. Co uje mwata wawanene Elinja natumbama a lilundu, wendekele kuli ikeye ngwendi, “Ove munu wa Njambi, mwene alinakukusana ngeci uye kuli ikeye.”

2 Mizimbu 16:10

Co Asa waluvalele manene na muka-kwimanena, co wamushokele mu kamenga. Eyi ikeyo simbu ije Asa wayandesele vanu vamo na muuka.

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Myaso 19:11

Akewo anjinangula yange ngamba yove, njinatambula cikandelela akuwononoka.

Myaso 58:11

Co vanu vakendeka ngwavo, “Vaka-vushunga vanatambula cikandelela cavo, mwa vushunga kwali Njambi muka-kusompa vaka-kaye!”

Visimo 11:18

Vanu vavavi kuvasa kuwana cuma cimo, oloni nga ulinga mwa vushunga co ukawana cikandelela.

Isaya 3:10

Vaka-vushunga vakavwaelela, co vyuma vyoshe vikenda mwamuvwa kuli vakevo. Vakavwaelela na vije vivanapangela.

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Njelemiya 26:8

co omo njamanesele kwendeka vyoshe vije vyanjishikile Shukulu Kalunga, vaka-kukombelela, na vaka-kwimanena, na vanu voshe vanjikokangeyeye nakutambeka ngwavo, “Vanapande kukutsiya a evi unendeka.

Njelemiya 37:14

Co njamukumbulwile ngwange, “Kesi ngoco embwe! Yange kunjesi nakutewesa.” Iliya kanjitolililile, oloni, wanjikwatele, nakunjitwala kuli vamyata.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Luka 6:23

Joleleni omo eci cilingiwa, co kineni nakujolela, omwo vanamitulikila cikandelela ceni cakama mwilu. Omwo vakukulwila vavo valingile ngacije kuli vaka-kwimanena.

Luka 6:35

Embwe! Zemeni vitozi veni, co lingeni mwamuvwa kuli vakevo, vakumwiseni oloni kesi mukulaele ngweni mukavitambula lalo. Co cikandelela ceni cikapwa cakama, mukapwa vana va Njambi wa Akamwa ya Akamwa. Omwo ikeye akatetela vaje kuvesi kumukandelela na vaje vaka-vuvi.

Vilinga vya Miluwa 16:25

Oloni mukati ka vutsiki Paulu na Silasi vakele nakulombela nakwimba myaso kuli Njambi, co vaje vinzinda vakele mu kamenga vavatolililile.

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

Loma 5:3

Tuli lalo nakulishasha a tuyando twetu, omwo tunazivuka ngwetu tuyando tusholola lukakateya,

1 Kolinte 3:8

Kukwesi lyangununo akati ka uje akuna na uje atukumwina, Njambi akaana cikandelela ku munu na munu ngwe ku vipangi vyendi vyanalingi.

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

Filipu 1:29

Omwo vanamyana vwana vwakupangela Kilistu, kesi lika akumukulaela, oloni nakumuyandela lalo.

Filipu 2:17

Nambe nga vetila maninga ange ngwe mulambu wa a n̄ombelo ije yakukulaela kweni kuli Njambi, njivwaelela nakujolela amo neni voshe.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

Kolose 3:24

Anukeni ngweni Mwene akamyana vushwana kupwa cikandelela ca vije vyanatulikila vanu vendi. Omwo Kilistu ikeye vene Shukulu wa vushunga uje imulinakupangela.

1 Tesalonika 2:15

vaje vatsiile Mwene Yesu na vaka-kwimanena, nakutupakesa yetu. Vakevo kuvesi nakuvwaelelesa Njambi! Vapwa vitozi kuli vanu voshe!

VaHevelu 10:34

Yeni mwalipangelele n̄avava ya vunzinda, co omo vevile vyeni vyoshe, co yeni mwakakateyeye nakujolela ku vyeni vije vyazimbalele, omwo mwazivukile ngeci muli na vyuma vyavivwa kutuvakana vije, vyuma vije vikakalako simbu yoshe.

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

VaHevelu 11:33

Akukulaela vakevo valwisilile mafuti, co vahyanene. Valingile vya vushunga, co vatambwile vije vyavakulaesele Njambi. Vashokele tunwa twa vindumba,

VaHevelu 11:6

Naumo wai asa kuvwaelelesa Njambi akujeneka kukulaela, omwo uje aija kuli Njambi napande kukulaela ngeci Njambi kwali na ikeye muka-kwana cikandelela kuli vaje valinakumushakezeka.

Yakomba 1:2

Vasamba vange, liyongoleni yeni vavenya ngweni mwavezika omo vyeseko vyavingi vilinakwija kuli yeni,

Yakomba 5:10

Vasamba vange, anukeni vaka-kwimanena vaje vendekele mu lizina lya Mwene. Vakengeni nakutembunwina kusimpa kwavo kuvakele nakwo a simbu ya n̄avava.

1 Petulu 4:13

Oloni joleleni omwo mulinakulipangela tuyando twa Kilistu, ngeci mushule nakujolela omo vumpau vwendi vukasholoka.

Lute 2:12

Shukulu Kalunga akwane cikandelela a vije walingile, Shukulu Kalunga Njambi ya Isalele, kuje kuunaija mukukunyunga, akwane cikandelela cakama cakutunda kuli ikeye!”