Mateo 4:9 - Livulu lya Shukulu Kalunga

⁹ Co Liyavola wendekele kuli ikeye ngwendi, “Nga utsikama a mavuli nakunjilemesa, co vyoshe evi vikapwa vyove.”

Mateo 4:9 Iomraidhean Croise

Myaso 72:11

Vimyene voshe vakatsikama ku mesho endi, co miyati yoshe vakamupangela!

Visimo 8:15

Njikakwasa vimyene kushwana, na vaka-kushwana kutunga mashiko amavwa.

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Mateo 26:15

co wavehwile ngwendi, “Vikajo mukanjana nga njikamisholwelaye?” Co vamufwetele makumi atatu a vimbongo vya siliva.

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Yowano 12:31

Ololo simbu yakusompa inaija kuli vaka-kaye, ololo muka-kushwana kano kaye vakamusheka.

Yowano 13:3

Yesu wazivukile ngeci Ishe namwana nzili yoshe, co wazivukile ngeci watunda kuli Njambi, co alinakuya kuli Njambi.

Yowano 14:30

Kunjesi na kwendeka neni vyavingi ololo, omwo muka-kushwana wa ano a kaye alinakwija. Kesi na nzili ali yange,

Yowano 16:11

nakuvavayesa a cihiso omwo muka-kushwana wa ano a kaye vanamuhisa laja.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

1 Timateo 3:6

Kapandele kupwa munu uje nakulaela ololo, kutewa akalyalesa, co akavindama, ngwe mwalingile Liyavola.

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”