Mateo 4:8 - Livulu lya Shukulu Kalunga

⁸ Co Liyavola watwalele lalo Yesu a munkinda waulaja manene, wamumwesele mafuti oshe a ano a kaye na vumpau vwao vwoshe.

Mateo 4:8 Iomraidhean Croise

Esita 1:4

Co a vingonde vyoshe vije vitanu na imo, Sheleshe wavamwesele vufuko na vuvwa vwa mu lipela lya vumwene, na vukama vwa vumwene vwendi.

Esita 5:11

Co walishashele kuli vakevo a vufuko vwakele navwo, na vana vangai wakele navo, na ngila ije vamujundwile nayo kuli mwene kupwa wakama, na vukama vuje vwakele navwo kutuvakana vamyata vakwavo.

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Kulava 23:3

Co Mbalame wendekele kuli Mbalake ngwendi, “Imana ku n̄ombelo yove ya kwenyeka, simbu njicili nakuya nakumona amo Shukulu Kalunga akaliwana nange. Co njikakuleka vyoshe vije vyakanjileka.” Ngecivene, Mbalame waile endi lika akamwa ya lilundu akujela.

Mateo 16:26

Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai! Nacimo cai munu asa kwingisamo ngeci awane mwonyo wendi.

Mateo 4:5

Co Liyavola watwalele Yesu ku Yelusalema, Nganda Yakujela, wamwimikile a kashongwa ka Njuvo ya Shukulu Kalunga,

Yowano 5:20

Omwo Ishe azema Mwana, co amumwesa vyoshe vije vyalinga. Co amumwesa vyuma vyakama ngeci avilinge, co muvavoshe mukalikomokela.

1 Petulu 1:24

Ngwe muvyendeka visoneka ngwavyo, “Vanu voshe vanapu ngwe mwila, co vumpau vwavo vwoshe vunapu ngwe vishani. Mwila ujujwama na vishani vitotomoka,

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”