Mateo 4:7 - Livulu lya Shukulu Kalunga

⁷ Yesu wamukumbulwile ngwendi, “Oloni visoneka vyendeka ngwavyo, ‘Kesi weseke Shukulu Kalunga Njambi yove.’ ”

Mateo 4:7 Iomraidhean Croise

Myaso 106:14

Vanu vakele na mashungu a vyakulya muje mu mambo. Nakweseka Njambi muje vene mu mambo.

Myaso 78:18

Co valingile shakelo mukweseka Njambi, akulomba vyakulya vivashakele.

Myaso 78:41

Vatengulukile lalo nakweseka Njambi, co vashangumwine Njambi Wakujela wa Isalele.

Myaso 78:56

Oloni vatengulukilile Njambi Muka-nzili yoshe nakumweseka, co kuvanyungile vizilika vyendi.

Myaso 95:9

Kuje vakukulwila veni vanjesekele nakunjiilula, nameme vakevo vamwene vije vinjalingile.

Kutuuka 17:2

Co valinyengelele kuli Mosesa nakwendeka ngwavo, “Twane mema tunwe.” Mosesa wavakumbulwile ngwendi, “Omwo vikajo mulinakulinyengela kuli yange? Omwo vikajo mulinakweseka Shukulu Kalunga?”

Kutuuka 17:7

Mwela uje vautumbwile Masa na Meliva, omwo vaIsalele valinyengele nakweseka Shukulu Kalunga omo vehwile ngwavo, “Kuma Shukulu Kalunga ali netu ndi?”

Isaya 8:20

Co yeni vakumbululeni ngweni, “Tolilileni ku vije vyamilongesa Shukulu Kalunga! Kesi mutolilile kuli vaka-kwendeka na vakulu mbwe, vije vivamileka kuvyasa kumikwasa.”

Malakiya 3:15

Oloni ololo tumona vaka-kulyalesa ngwe vanavezika. Mwa vushunga, vaje vaka-kulinga vyavivi vakala mwamuvwa, nameme vakevo veseka Njambi oloni vovoka.’ ”

Kulava 14:22

naumo wai wa ali vanu ava akamona lifuti lije. Vakevo vamwene ceke ca vumpau vwa ku mesho ange na vikomokeso vije njalingile mu Ingito na mu mambo, oloni vanjesekele visimbu likumi, co vavyanene kunjononoka.

Mateo 21:16

Ngecivene, vehwile Yesu ngwavo, “Unazivi evi valinakwendeka ava ndi?” Yesu wavakumbulwile ngwendi, “Eyo njavizivi. Kuma kumwalavele mu visoneka ngwavo, ‘Mutunwa twa vanike na vimbututu mukemwo mukatunda kushangazala kwa vushunga ndi?’ ”

Mateo 21:42

Yesu wendekele kuli vakevo ngwendi, “Kumwalavele majwi awa mu visoneka ndi? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe. Eci cikeco calingile Shukulu Kalunga, co cinapu cakukomokesa kuli yetu!’ ”

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Mateo 4:4

Oloni Yesu wamukumbulwile ngwendi, “Visoneka vyendeka ngwavyo, ‘Munu kasa kuyoya na makende lika embwe, oloni kuvanga na majwi oshe a Njambi.’ ”

Luka 4:12

Oloni Yesu wamukumbulwile ngwendi, “ Vanasoneka ngwavo, ‘Kesi weseke Shukulu Kalunga Njambi yove. ’ ”

Vilinga vya Miluwa 15:10

Ngecivene, omwo vikajo ololo mushaka kweseka Njambi nakutwika citele a myongo ya vaka-kukulaela cije nameme vakukulwila vetu nameme yetu kutwasa kucambata?

Vilinga vya Miluwa 5:9

Ngecivene, Petulu wendekele kuli ikeye ngwendi, “Omwo vikajo nove na munalume wove mwayongola kweseka Munzinzime wa Shukulu Kalunga? Kenga, vanalume vanakatsindile munalume wove ava vali ku cikolo ololo vene, co vakevo vakakutwala yove lalo!”

1 Kolinte 10:9

Kutwapandele kweseka Mwene, ngwe muvalingile vamo vavo, co vatsile ku manyoka.

Kwituluka mu Mashiko 6:16

“Kesi mukeseke Shukulu Kalunga Njambi yeni, ngwe muje mumwamwesekele ku Masa.

VaHevelu 3:9

Kuje vanjesekele mwanendeka Njambi ngwendi, nambe vamwene vije vinjalingile a myaka makumi awana.