Mateo 4:3 - Livulu lya Shukulu Kalunga

³ Co Liyavola wezile kuli ikeye wendekele ngwendi, “Nga u Muna Njambi, shika mamanya awa ngeci alimuke makende.”

Mateo 4:3 Iomraidhean Croise

Kutuuka 16:3

co vendekele kuli vakevo ngwavo, “Nga Shukulu Kalunga watutsiilile mu Ingito na livoko lyendi! Kuje twatumbamene ku vindeo vya situ nakulya vyakulya vyakukuta ngwe mutunashakela. Oloni yeni munatunene muno mu mambo mukututsisa ku njala, yetu voshe.”

Mateo 14:33

Asinoni vandongisi vaje vakele mu vwato valemesele Yesu vendekele ngwavo, “Mwa vushunga vene yove u Muna Njambi!”

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 26:63

Oloni Yesu wolokele kuluu. Co Muka-kukombelela Wakama wendekele kuli ikeye lalo ngwendi, “Mu lizina lya Njambi wakuyoya, ololo njikuleka ulisinge ngeci utuleke nga yove u Wakuvwavesa, Muna Njambi.”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Mako 1:1

Evi vikevyo Vin̄anda Vyavivwa vya ali Yesu Kilistu, Muna Njambi.

Mako 3:11

Co omo vanu vaje vakele na minzinzime yakujwala vamumwene, vawililile asi ku mesho endi nakutambeka ngwavo, “Yove u Muna Njambi!”

Mako 5:7

co wakangokele na lijwi lyakama ngwendi, “Vika ushaka kulinga nange ove Yesu, Muna Njambi wa Akamwa ya Vyoshe? Omwo a lizina lya Njambi, njikulomba ngwange, kesi unjihise embwe!” (

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Luka 22:70

Co voshe vamwihwile ngwavo, “Kuma yove u Muna Njambi ndi?” Ikeye wavakumbulwile ngwendi, “Omo mumunendeka mukemwo vene.”

Luka 4:3

Co Liyavola wendekele kuli ikeye ngwendi, “Nga u Muna Njambi, shika limanya eli ngeci lilimuke likende.”

Luka 4:41

Na minzinzime yakujwala lalo yatundile muli vanu vavangi, co yatambekele ngwayo, “Yove unapu u Muna Njambi!” Yesu washikile minzinzime yakujwala ngeci kesi yendeke cuma cimo, omwo ikeyo yamuzivukile ngwayo ikeye Wakuvwavesa.

Luka 4:9

Co Liyavola wamutwalele ku Yelusalema, wamwakele a kashongwa ka Njuvo ya Shukulu Kalunga, wendekele kuli ikeye ngwendi, “Nga u Muna Njambi, lyumbile asi kutunda kuno kwilu.

Yowano 1:34

Co Yowano wendekele ngwendi, ‘Yange njamumwene, co njimileka ngwange ou ikeye Muna Njambi.’ ”

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 9:35

Omo Yesu wazivile vije vyalingiwile, co wawanene uje munalume wamwihwile ngwendi, “Unakulaela kuli Muna Munu ndi?”

Vilinga vya Miluwa 9:20

Co waile ku masinangonge washangumukile kwambulula ngeci Yesu ikeye Muna Njambi.

2 Kolinte 1:19

Omwo Yesu Kilistu Muna Njambi, uje vambulwile akati keni kuli Silase na Timateo nange vene, kesi ikeye umo uje napu “Eyo” nambe “Embwe.” Oloni muli ikeye mwakala lika “Eyo”,

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

1 Tesalonika 3:5

Eci cikeco cinjatuminine Timateo. Omwo kunjasele kutwalao lalo, ngecivene, njamutumine akumone vati kukulaela kweni mucinafu. Mwa vushunga vene kucapwile ngeci Liyavola namyeseka, co vipangi vyetu vyoshe vinai mwangoco!

VaHevelu 12:16

Nyanyameni ngeci naumo wai apwe muka-vupangala nambe muka-mbunge yaivi ngwe Isau, uje walandesele vukulunu vwendi kuli shongo yendi na tuvyakulya twatundondo lika.

VaHevelu 4:14

Ngecivene, tukakateyeni kukukulaela oku tunatava. Omwo tuli na Muka-kukombela Wakama uje ali ku mesho a Njambi, ikeye Yesu Muna Njambi.

VaHevelu 7:3

Kuli ikeye kukwesi cimweso cakutumbula ishe nambe vaina, nambe vakuku yendi, nambe cimweso ca cisemwa cendi nambe ku kutsa kwendi. Ikeye walifwa ngwe Muna Njambi, ikeye wapwa vene muka-kukombelela wa ku myaka yoshe.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.