Mateo 4:2 - Livulu lya Shukulu Kalunga

² Omo Yesu walikelele kulya matangwa makumi awana mutanya na vutsiki, co wazivile njala.

Mateo 4:2 Iomraidhean Croise

1 Vimyene 19:8

Elinja wendukile, walile nakunwa, co vyakulya vyamwanene nzili yakwenda matangwa makumi awana nakweta ku Sinai, Munkinda Wakujela.

Kutuuka 24:18

Co Mosesa walamatele ku munkinda muje mu lishelwa, wakakele kuje matangwa makumi awana a vutsiki na mutanya.

Kutuuka 34:28

Co Mosesa wakele kuje na Shukulu Kalunga matangwa makumi awana vutsiki na mutanya, kalile vyakulya nameme kunwa mema. Co ikeye wasonekele a vitale majwi a cikumiiyo, akewo Mashiko Likumi.

Mateo 21:18

Alikaki mutondo, omo Yesu welukile ku nganda, co wazivile njala.

Mateo 25:35

Omwo njakele na njala, co mwanjilisile, njakele na lihwila, co mwanjinwisile, njapwile nji mungenzi, co mwanjitambwile,

Mateo 25:42

Omwo njakele na njala, co kumwanjilisile, njakele na lihwila, co kumwanjinwisile,

Mako 11:12

Alikaki, omo vatundile ku Mbetaniya, Yesu wazivile njala.

Luka 4:2

kuje Liyavola wakamweseke matangwa makumi awana. A simbu ije yoshe Yesu kalile cuma cimo cai, omo matangwa aje ahwile, co wazivile njala.

Yowano 4:6

Lisima lya Yakomba lyakele kuje, co Yesu watumbamene kuyehi na lisima omwo wajukile manene kwenda. Simbu yapwile akati ka mutwe.

Kwituluka mu Mashiko 18:18

Njikavatumina muka-kwimanena wakufwa ngwe yove wakutunda akati kavo vene. Co njikamuleka evi akendeka, co ikeye akaleka vanu vyuma vyoshe vinjikamushika.

Kwituluka mu Mashiko 9:18

Co njalyumbilile asi nakuvulumana ku mesho a Shukulu Kalunga matangwa makumi awana a mutanya na vutsiki. Kunjalile vyakulya nambe kunwa mema. Njalingile eci omwo a vuvi vuje mwalingile ku mesho a Shukulu Kalunga ngeci mwashambeyeye vukalu vwendi.

Kwituluka mu Mashiko 9:25

“Ngecivene, njalyumbilile asi nakuvulumana ku mesho a Shukulu Kalunga a matangwa aje makumi awana a mutanya na vutsiki, omwo Shukulu Kalunga wendekele ngeci akaminyongesa.

Kwituluka mu Mashiko 9:9

Co omo njalamatele ku munkinda nakutambula vije vitale vya mamanya, vitale vya cikumiiyo cije walikumiiye Shukulu Kalunga, njakele kuje ku munkinda makumi awana a matangwa mutanya na vutsiki, co kunjalile vyakulya nambe kunwa mema.