Mateo 4:18 - Livulu lya Shukulu Kalunga

¹⁸ Omo Yesu wakele nakushwangesa Lishali lya Ngalileya, wamwene vandolome vavali vaka-kujevela visi, Simoni (uje vatumbula Petulu) na ndolome yendi Anduleo, vakele nakutsiya visi mu lishali a linimbwa.

Mateo 4:18 Iomraidhean Croise

Kutuuka 3:1

Omo Mosesa wakele nakunyunga vutanga vwa ishemweno Yetolo muka-kukombelela wa ku Mindyani, watwalele vutanga kuje kwasikisilile mambo, co wetele ku Sinai munkinda wa Njambi.

Kutuuka 3:10

Ngecivene, ololo ya, njilinakukutuma kuli mwene wa Ingito ngeci ukatundise vanu vange vaIsalele mu lifuti lyendi.”

Ezekiyele 47:10

Kutunda ku Engendi nakweta ku Enengelaime, kwakala vaka-kuta visi ku ngenge ya mema a kalunga, co vakajangumuna manimbwa avo nakuwashanda. Kukakala visi va miyati-yati yaingi ngwe vaje vakala mu Lishali lya Menditelenyani.

Kulava 34:11

Co ikaya lalo mu mbwela nakweta ku Halembele, mu ngangela ya Aine, co ikaya ku malundu a ku cikuma ca mu ngangela ku Lishali lya Ngalileya.

Mateo 10:2

Awa akewo mazina a vaje miluwa likumi na vavali. Wakulivanga, Simoni (uje vatumbula Petulu) na ndolome yendi Anduleo, Yakomba na ndolome yendi Yowano vana va Zembendeo.

Mateo 15:29

Co Yesu watundile kuje, washwangesele lishali lya Ngalileya. Walamatele a munkinda, co watumbamene kuje.

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Mateo 4:19

Yesu wendekele kuli vakevo ngwendi, “Njikaveni, co njikamipwisa vaka-kujevela vanu.”

Mako 7:31

Asinoni Yesu watundile ku lifuti lya Tile, co waile ku Sindone nakweta ku Lishali lya Ngalileya, co watuvakanene mu lifuti lya Vinganda Likumi.

Luka 6:14

Simoni (uje yalukile Petulu) na ndolome yendi Anduleo, Yakomba na Yowano, Filipu na Mbatolomeo,

Yowano 21:1

Munima yevi, Yesu walisholwele lalo kuli vandongisi vendi ku Lishali lya Timbelyase. Co omu mukemwo muvyalingiwile.

Yowano 6:1

Munima ya vyuma evi, Yesu wajavukile Lishali lya Ngalileya (nambe Lishali lya Timbelyase, lizina lyalyo likwavo).

Yowano 6:8

Umo wa vandongisi vendi, Anduleo, ndolome ya Simoni Petulu, wendekele ngwendi,

Kwituluka mu Mashiko 3:17

Co mu kangombe ka yambi lifuti lyavo lyetele na ku Ndonga ya Yondau, kushangumuka ku kunto ya Lishali lya Ngalileya nakweta mu mbwela ya Lishali lya Mwongwa nakweta mwisi ya Munkinda wa Pisenga mu ngangela.