Mateo 3:9 - Livulu lya Shukulu Kalunga

⁹ Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Mateo 3:9 Iomraidhean Croise

Ezekiyele 33:24

“Muna munu, vanu vaje valinakuyoya mu vinganda vije vinasiwuka vya mu lifuti lya Isalele valinakwendeka ngwavo, ‘Avilahama wapwile munu umolika, co vamwanene lifuti lyoshe. Yetu tunapu tuvavangi, ngecivene, ololo lifuti linapu lyetu!’

Mako 7:21

Omwo mukati, mu mbunge ya munu, mukemwo mukatundu viyongola vyavivi vije vimutwamenena ku vyuma vya vuvi, kwiva, kutsiya,

Luka 12:17

Co wayongwele mu mbunge yendi ngwendi, ‘Kunjesi noku kwakutulikila vimbuto vyange vyoshe. Vati njilinga?’

Luka 16:24

Ngecivene, watambekele ngwendi, ‘Tate Avilahama! Njizivileko mema ku mbunge, tuma Lazalu ambwitike shongo ya mulavo wendi mu mema akunjitonwese a ndaka yange, omwo yange njili mu tuyando twakama mu tuhya tuno!’

Luka 19:40

Yesu wavakumbulwile ngwendi, “Mwa vushunga njimileka ngwange, nga ava voloka kuluu, co mamanya awa akatambeka.”

Luka 3:8

Lingeni vyuma vije vimwesa ngeci munatenguluka ku vivi vyeni. Kesi mulyendekese mu vimbunge vyeni ngweni ‘Tuli na kukulwila yetu Avilahama’. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Luka 5:22

Yesu wazivukile viyongola vyavo, co wendekele kuli vakevo ngwendi, “Vikajo mulinakuyongwela vyuma vyangacije?

Luka 7:39

Omo uje kaFaliseo wamwene evi, wendekele mu mbunge yendi ngwendi, “Nga ou munalume mwa vushunga napu muka-kwimanena, nga nazivuka ou munakazi alinakumukwata mavoko, nga nazivuka kuyoya kwendi kwakuvi kuje alinakuyoya!”

Yowano 8:33

Vamukumbulwile ngwavo, “Yetu tu vatekulwila va Avilahama, kanda tupwe tu vindungo va munu umo embwe. Vika ulumbununa akwendeka ngwove, ‘Vakamipatula’?”

Yowano 8:37

Njizivuka ngwange mwapwa mu vatekulwila va Avilahama. Oloni mushaka kunjitsiya, omwo kumutambula vilongesa vyange.

Yowano 8:53

Tatetu Avilahama watsa, kuma wasa kulipwisa wakama kutuvakana Avilahama ndi? Co vaka-kwimanena lalo vatsa. Yove unayongola ngwove yove iya?”

Vilinga vya Miluwa 13:26

“Vavushoko vwange vaIsalele, vatekulwila va Avilahama, co neni voshe kesi vaYunda mulikuno vaka-kulemesa Njambi, muzimbu ou wakwovoka vanautumu kuli yetu!

Vilinga vya Miluwa 15:14

Simoni ololo natulumbunwina vati Njambi akulivanga wezile nakusholola cizemo cendi kuli vaje kesi vaYunda mukwangulao vamo akati kavo ngeci vapwe vanu vendi.

Loma 4:1

Ngecivene, vatijo twendeka ali kukulwila yetu Avilahama? Vikajo vyalingiwile kuli ikeye?