Mateo 3:6 - Livulu lya Shukulu Kalunga

⁶ vakevo valitavelele ku vivi vyavo, co wavambwitikile mu Ndonga ya Yondau.

Mateo 3:6 Iomraidhean Croise

Ezela 10:1

Omo Ezela wakele nakulombela, nakulitavela, nakulila, nakulyumbila asi kulutwe lwa Njuvo ya Shukulu Kalunga, mbunga yakama ya vaIsalele, vanalume, na vanakazi, na vanike, valikungulwilile kuli ikeye, nakulila manene.

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Ndanyele 9:4

Njalombelele kuli Shukulu Kalunga Njambi yange nakulitavela vuvi vwa vanu vange. Njalombelele ngwange, “Shukulu Kalunga Njambi, yove uwakama, co twakusingimika. Yove wapwa u wa kulongwa ku cikumiiyo cove nakumwesa cizemo cove cije kucesi kutenguluka kuli vaje vakuzema nakunyunga mashiko ove.

VaLevi 16:21

Co akakambeke mavoko endi oshe avali a mutwe wa uje membe wa mwonyo nakulitavela vuvi vwoshe vwa vanu va Isalele, na vivi vyavo vyoshe, na vivulumuna vyavo vyoshe, co nakuvinungulwila a mutwe wa uje membe. Asinoni uje membe vamwecelele aye mu mambo amolika na munu uje vanemika kulinga cuma eci.

VaLevi 26:40

“Oloni nga vatekulwila veni vakalitavela vuvi vwavo, na vuvi vwa vakukulwila vavo, vaje vanjivyanene nakunjitengulukila,

Kulava 5:7

munu wa cifwa eci napande kulitavela vuvi vwendi vwanavulumuna nakufweta mulonga woshe, co awezeleleko litambelo lya ndando makumi avali nakufwetela uje yanavulumwina.

Mateo 3:11

Njimimbwitika mu mema mukumwesa kutenguluka kwa vimbunge vyeni, oloni owo akaija munima yange akamimbwitika na Munzinzime Wakujela na mu tuhya. Ikeye wakama kutuvakana yange, nameme vin̄aku vyendi kunjivyasa kuvyambata.

Mako 1:5

Co vanu vavangi vatundile ku lifuti lya Yundeya na ku nganda ya Yelusalema vezile kuli Yowano nakumutolilila. Valitavelele ku vuvi vwavo, co wavambwitikile mu Ndonga ya Yondau.

Luka 1:16

co akelwisila vanu vavangi va Isalele kuli Shukulu Kalunga Njambi yavo.

Luka 3:16

Co Yowano wendekele kuli voshe ngwendi, “Njimimbwitika mu mema, oloni owo akaija napu wakama. Kunjapandele nameme kuzitula mikole ya a vin̄aku vyendi. Ikeye akamimbwitika na Munzinzime Wakujela na mu tuhya.

Vilinga vya Miluwa 1:5

Yowano wambwitikile na mema, oloni a matangwa amandondo lika vakamimbwitika na Munzinzime Wakujela.”

Vilinga vya Miluwa 11:16

Asinoni njanukile vije vyendekele Mwene ngwendi, ‘Yowano wambwitikile na mema, oloni yeni vakamimbwitika na Munzinzime Wakujela.’

Vilinga vya Miluwa 19:18

Co vaka-kukulaela vavangi vezile, valitavelele ku mesho a vanu, co vambulwile vije vivalingile.

Vilinga vya Miluwa 22:16

Co ololo, vikajo uvandamena? Katuka ngeci vakumbwitike, co vivi vyove vavikushe akulombela kuli ikeye.’

1 Kolinte 10:2

Mu lishelwa na mu lishali voshe vavambwitikile kupwa vandongisi va Mosesa.

Kolose 2:12

Omo vamimbwitikile, vamitsindile amo na Kilistu, co akumimbwitika lalo vamisangwile amo na Kilistu akukulaela kweni ku nzili ya vipangi vya Njambi, uje wamusangwile ku kutsa.

VaHevelu 6:2

a vilongesa vyakumbwitika nakukambeka mavoko, na vya akusanguka kwa vatsi na vya cisompeselo ca myaka yoshe.

VaHevelu 9:10

omwo vikevyo vinemanena lika ku vyakulya nakunwa, na vilika vyakuliseza-seza vyakulijelesa. Evi vyoshe vinapu mashiko a anja, evi vikalingiwa noo a simbu ije Njambi akatengulula vyuma vyoshe.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

Yoshwa 7:19

Asinoni Yoshwa wendekele kuli ikeye ngwendi, “Munange, endeka vushunga ku mesho a Shukulu Kalunga Njambi ya Isalele, co litavele. Njileke evi viwunalingi. Kesi unjishwekelevyo.”

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.