Mateo 3:5 - Livulu lya Shukulu Kalunga

⁵ Vanu vakutunda ku Yelusalema na ku Yundeya yoshe na ku lifuti lyoshe lije lya kulyata na Yondau vezile kuli ikeye,

Mateo 3:5 Iomraidhean Croise

Mateo 2:1

Omo Yesu wasemukile mu Mbetelehema, mu lifuti lya Yunda, a simbu ya Mwene Helonde, vaka-mana vatundile mu ngangela, vakevo valilongesele vya vingongonosi, vezile ku Yelusalema

Mateo 4:25

Mbunga yamukavele vaje vatundile ku Ngalileya, na ku Vinganda Likumi, na ku Yelusalema, na ku Yundeya, na ku lifuti lya musambwa ya Ndonga ya Yondau.

Mako 1:5

Co vanu vavangi vatundile ku lifuti lya Yundeya na ku nganda ya Yelusalema vezile kuli Yowano nakumutolilila. Valitavelele ku vuvi vwavo, co wavambwitikile mu Ndonga ya Yondau.

Luka 16:16

“Lishiko lya Mosesa na visoneka vya vaka-kwimanena vyakele na nzili kweta a simbu ya Yowano Muka-kumbwitika, oloni tunde a simbu ije Vin̄anda Vyavivwa vya Vumwene vwa Njambi valinakuvyambulula, co munu na munu alinakulicikinina ngeci akakovelamo.

Luka 3:3

Ngecivene, Yowano waile mu lifuti lyoshe lya Ndonga ya Yondau nakwambulula ngwendi, “Tengulukeni ku vivi vyeni ngeci vamimbwitike, co Njambi akamisambesa ku vivi vyeni.”

Luka 3:7

Co Yowano walekele vije vimbunga vezile kuli ikeye nakuvambwitika ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Yowano 3:23

Yowano lalo wakele nakumbwitika mu Aenone kuyehi na Salime, omwo kwakele mema amangi. Co vanu vakele nakuya kuli ikeye, co wavambwitikile.

Yowano 5:35

Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.