Mateo 3:2 - Livulu lya Shukulu Kalunga

² “Tengulukeni ku vivi vyeni, omwo Vumwene vwa mwilu vuli muyehi!”

Mateo 3:2 Iomraidhean Croise

1 Vimyene 8:47

tolilila ku malombelo a vanu vove. Nga mu lifuti lije vatenguluka nakulombela kuli yove, co valitavela ku vuvi vwavo na ku kupenga-penga kwavo kuvanalingi, co ziva malombelo avo, yove Shukulu Kalunga.

Yombi 39:12

Kuma yove wamukulaela ngeci asa kukunenela vimbuto vyove ku lijungwilo ndi?

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Mateo 10:7

Co yeni mukambulule ngweni, ‘Vumwene vwa mwilu vuli muyehi!’

Mateo 11:20

Asinoni Yesu washangumukile kwendeka a vinganda vije kuje kwalingilile vizivukiso vyendi, omwo vanu kuvatengulukile mu vimbunge vyavo, co wendekele ngwendi,

Mateo 12:41

A Litangwa Lyakusompa vanu vaka-Nenevayi vakakatuka nakumihisa, omwo vakevo vatengulukile ku vingila vyavo vyavivi omo vazivile kwambulula kwa Yona, co njimileka ngwange, kuli cuma cimo kuno cakama cinatuvakana Yona!

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Mateo 13:24

Yesu wavatelele cisimo cikwavo lalo ngwendi, “Vumwene vwa mwilu vunalifu ngwe munu umo wakuvile vimbuto vyavivwa mu lihya lyendi.

Mateo 13:31

Yesu wavatelelele cisimo cikwavo lalo ngwendi, “Vumwene vwa mwilu vunalifu ngwe munu anona kanona kamo ka mbuto ya musalata nakukakuna mu lihya lyendi.

Mateo 13:33

Yesu wavatelelele cisimo cikwavo lalo ngwendi, “Vumwene vwa mwilu vunalifu ngwe musima uje wanonele munakazi nakuutsingasana na malita makumi awana a vunga vwa tiliku mu lilonga, noo mukasha woshe wafutunukile.”

Mateo 13:47

“Vumwene vwa mwilu lalo vunalifu ngwe linimbwa lije livata mu lishali, co vakwatao visi va miyati yoshe.

Mateo 13:52

Co wavakumbulwile ngwendi, “Ngecivene, mulongisi woshe wa majwi a Lishiko, uje ivanalongesa vya Vumwene vwa mwilu nalifu ngwe vavenya njuvo atuwisa vyuma vyendi vyaviha nevi vyalaja mu mulili wendi wakutulikila.”

Mateo 18:23

ngecivene, Vumwene vwa mwilu vunalifu ngwe umo mwene washakele kwilula makongo a vangamba vendi.

Mateo 20:1

“Omwo vumwene vwa mwilu vunalifu ngwe vavenya lihya lya mikolovozi ya vushuka vwa vinyu uje watuukile mutondo-tondo waile nakulanya vaka-vipangi ngeci vakapange mu lihya lya mikolovozi ya vushuka vwa vinyu lyendi.

Mateo 22:2

“Vumwene vwa mwilu vunalifu ngwe mwene walingile ciwano ca vulo vwa munendi wa munalume.

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Mateo 25:1

“Asinoni Vumwene vwa mwilu vukafwa ngwe vambanda likumi, vaje vambatele mazi mu vindeya vyavo vaile nakushesha vavenya vulo.

Mateo 25:14

“A simbu ije vene Vumwene vwa mwilu vukafwa ngwe munalume umo waile vungenzi ku lifuti lyakulyala, co wasanene vangamba vendi, co wavanene moko a vufuko vwendi.

Mateo 4:17

Kutunda a simbu ije Yesu washangumukile kwambulula ngwendi, “Tengulukeni mu vimbunge vyeni ngeci mutunde ku vuvi, omwo Vumwene vwa mwilu vuli muyehi.”

Mateo 4:23

Yesu wendanganene mu Ngalileya mwoshe, nakulongesa mu masinangonge avo, nakwambulula Vin̄anda Vyavivwa vya Vumwene nakukangwisa vanu voshe vaka-mishongo yoshe na vaka-kuvinja vakuliseza-seza.

Mateo 5:10

“Vanavezika vaje vayandela vushunga, omwo Vumwene vwa mwilu vunapu vwavo!

Mateo 5:3

“Vanavezika vaka-kuutwa mu munzinzime, omwo Vumwene vwa mwilu vunapu vwavo!

Mateo 6:10

Vumwene vwove vwije, cizango cove vacilinge ano asi, ngwe omwo vakacilingi mwilu.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Mako 1:15

Wendekele ngwendi, “Simbu yaivwa ineete, co Vumwene vwa Njambi vuli muyehi! Tengulukeni mu vimbunge vyeni ngeci mutunde ku vuvi, co kulaeleni ku Vin̄anda Vyavivwa!”

Mako 1:4

Ngecivene, Yowano washolokele mu mambo, wakele nakumbwitika vanu nakwambulula ngwendi, “Tengulukeni ku vivi vyeni ngeci vamimbwitike, co Njambi akamisambesa ku vivi vweni.”

Mako 6:12

Ngecivene, vaile nakwambulula kuli vanu ngeci vatenguluke ku vingila vyavo vyavivi.

Luka 1:16

co akelwisila vanu vavangi va Isalele kuli Shukulu Kalunga Njambi yavo.

Luka 11:20

Embwe, eyi inapu nzili ya Njambi injikatundisa nayo minzinzime yakujwala, muzivuke ngeci Vumwene vwa Njambi vunete kuli yeni vene.

Luka 13:3

Njimileka ngwange, embwe! Oloni kuvanga mutenguluke, nga ngoconi mukanyonga ngwe vakevo lalo.

Luka 13:5

Njimileka ngwange, embwe! Oloni kuvanga mutenguluke, nga ngoconi mukanyonga ngwe vakevo lalo.”

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Luka 15:7

Njimileka ngwange, mu ngila eyi vene kukakala kujolela mwilu omo muka-vuvi umo atenguluka kutuvakana vaka-vushunga makumi atanu na awana na vatanu na vawana vaje kuvashaka kutenguluka.

Luka 16:30

Co uje fuki wakumbulwile ngwendi, ‘Embwe, tate Avilahama! Oloni nga umo asanguka ku vatsi nga aya kuli vakevo, co vakevo vakatenguluka kutunda ku vivi vyavo.’

Luka 21:31

Mu cifwa eci vene, omo mukamona vyuma evi vilingiwa, mukazivuka ngeci Vumwene vwa Njambi vuli muyehi.

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Luka 6:20

Yesu wakengele vandongesi vendi, co wendekele ngwendi, “Mwavezika yeni vaka-kuutwa, omwo Vumwene vwa Njambi vunapu vweni!

Luka 9:2

Co wavatumine kuya nakwambulula Vumwene vwa Njambi nakukangwisa vaka-kuvinja,

Vilinga vya Miluwa 11:18

Omo vazivile majwi awa, valikelele kumujokotesa, co valemesele Njambi vendele ngwavo, “Kuma Njambi naana lalo ava kesi vaYunda simbu yakutenguluka ngeci vayoye.”

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Vilinga vya Miluwa 20:21

Kuli vaYunda na kuli vaje kesi vaYunda voshe njavanangwile ngeci vatenguluke ku vivi vyavo nakwija kuli Njambi nakukulaela kuli Mwene yetu Yesu.

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

2 Kolinte 7:10

Omwo vusiwa vwa cizango ca Njambi navupangesa mukumitwala kukutenguluka kwa vimbunge vyeni nakumitwamenena kukwovoka, co eci naumo wai asa kucivyana! Oloni vusiwa vwa ku cisemwa ca vunu vutwala ku kutsa.

Kolose 1:13

Natwamena ku nzili ya lisusulungu nakutunena mu vumwene vwa Munendi uje yazema,

2 Timateo 2:25

walyovwa-ovwa omo ashungamesa vaka-kumulwisa, amo Njambi akavana simbu yakutenguluka ngeci vazivuke vushunga.

VaHevelu 6:1

Ngecivene, tuyeni kulutwe ku vilongesa vyakulova, co tusezeni munima vilongesa vyakushangumuka lijwi lya vuka-Yesu. Co kutwapandele lalo kujala luvula lwakutunda mu ngila ya vipangi vyangoco neyi yakukulaela kuli Njambi,

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.

Kujombolola 2:21

Njinamwana simbu ngeci atenguluke ku vivi vyendi, oloni ikeye kashaka kutenguluka ku vupangala vwendi.

Kujombolola 2:5

Anuka kuje kuunawila! Tenguluka ku vivi vyove nakulinga vije viwalingile akulivanga. Nga shove kutenguluka ku vivi vyove, co yange njikaija kuli yove nakutundisa citumbikilo ca ndeya yove mu mwela waco.