Mateo 3:12 - Livulu lya Shukulu Kalunga

¹² Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Mateo 3:12 Iomraidhean Croise

Yombi 21:18

Nakuvapekumwina kulyala ngwe mwila upekumuka na kankumba, nambe ngwe likungu lipekumuka na lihunzi?

Myaso 1:4

Oloni vaka-vuvi kuvesi ngeci embwe, vakevo vanalifu na lijungu lije lilinakupekumuka na lihunzi.

Myaso 35:5

Vapwe ngwe lijungu lyakupekumuka na lihunzi, omo kangelo ka Shukulu Kalunga avasheka!

Isaya 1:31

Ngwe vulimu vwenya na tuhya twa vishashe, ngecivene, vantwama vove vaka-nzili vilinga vyavo vya vuvi vikavanyongesa, co naumo wai akavakwasa omo vanyonga.

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Isaya 27:4

Kunjikaluvala lalo na citungu ca mikolovozi ya vushuka vwa vinyu. Oloni nga mambimbo na mishwena vikamenamo, co njikacenyeka coshe njwa.

Isaya 28:28

Ndimi kesi kuviisa tiliku akuyipupa-pupa, oloni azivuka muje muvakaijungwila omo etisao livalo lya litemba kutsena vinona.

Isaya 30:24

Vingombe vakulima na vimulu vakulima mahya eni vakalya mwila wauvwa.

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 5:24

Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Isaya 66:24

“Omo vatuuka, co vakamona mivila ya vaje vanjitengulukilile nakunjilwisa. Mainyo kuvakatsi embwe, co tuhya kutukazimi. Vanu voshe vakaziva shwamwa akumona vyuma evi.”

Njelemiya 15:7

Njikamishandola kutunda mu vinganda vyoshe vya mu lifuti ngwe lihunzi lipekumuna vishati. Njikaminyongesa yeni vanu vange, njatsiile vana veni, omwo kumwatundile ku vingila vyeni vya vuvi.

Njelemiya 17:27

Oloni nga kuvanjononoka nakunyunga Litangwa Lyakuhwima kupwa litangwa lyakujela, kwitisa citele cimo mu vikolo vya Yelusalema a Litangwa Lyakuhwima, nga valingamo, co njikashwameka tuhya ku vikolo vya Yelusalema. Tuhya tukenyeka mapela a mu Yelusalema, co naumo wai akatuzima.”

Njelemiya 4:11

Simbu ilinakwija omo vanu va mu Yelusalema vakavaleka ngwavo lihunzi lya ntwima lyakutunda mu mambo lilinakuhuwila nakushungama ali vanu vange. Kulikapu lihunzi lyakuhuwa mwamuvwa lyakupekumuna vishwashwa lika embwe,

Njelemiya 51:2

Njikatuma vaka-kwija nakunyongesa Mbambilone, ngwe lihunzi lije likapekumwina vishati kulyala. Omo litangwa lya cihiso likaija, co vakalwisa ku mitambela yoshe nakuseza lifuti mupulungwa.

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Hoziya 13:3

Ngecivene, vanu ava vakahwa vwasi ngwe mbundu ya mutondo, ngwe lime lije lipapumuka omo litangwa likya. Vakapwa ngwe lijungu lije lipekumuka na lihunzi kutunda ku lijungwilo, ngwe vwisi vutundilila mu mbengwa.

Amose 9:9

“Njikashika lishiko, co vanu va mu Isalele vakavasala ngwe munu asala vimbuto mu musalo. Njikavasala akati ka miyati nakutundisa vaje voshe vangoco.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 13:30

Vyeceni vyoshe vivali vikule amo noo simbu yakuteja inete. Asinoni njikaleka vaka-kuteja ngeci vatukule shaku akulivanga nakuyikuta mikuta, co vayenyeka, co vakungulwile tiliku mu cishete cange.’ ”

Mateo 13:41

Muna Munu akatuma tungelo twendi, co vakakungulula vyuma vyoshe vije vikanene vuvi na vaje voshe vaka-kulinga vuvi nakuvatundisa mu Vumwene vwendi.

Mateo 13:42

Co vakavombila mu litende lya tuhya, muje mukakala kulila nakulingenjenga ku mayo.

Mateo 13:43

Asinoni vaka-kujela va Njambi vakatwa ceke ngwe litangwa mu Vumwene vwa Ishavo. Uje woshe ali na matwi, azive!

Luka 3:16

Co Yowano wendekele kuli voshe ngwendi, “Njimimbwitika mu mema, oloni owo akaija napu wakama. Kunjapandele nameme kuzitula mikole ya a vin̄aku vyendi. Ikeye akamimbwitika na Munzinzime Wakujela na mu tuhya.

Luka 3:17

Shewa ili mu livoko lyendi, ikeye akapepa nakujelesa mwamuvwa vinona vyoshe kulijungwilo lyendi, co tiliku akaitulika mu cishete cendi, oloni lijungu lyoshe akalyenyeka na tuhya kutwesi kuzima!”

Yowano 15:2

Ikeye ateta munango woshe uli muli yange uje kuwimi vushuka, co munango woshe wima vushuka awunonga ngeci wime vushuka vwavungi.