Mateo 3:11 - Livulu lya Shukulu Kalunga

¹¹ Njimimbwitika mu mema mukumwesa kutenguluka kwa vimbunge vyeni, oloni owo akaija munima yange akamimbwitika na Munzinzime Wakujela na mu tuhya. Ikeye wakama kutuvakana yange, nameme vin̄aku vyendi kunjivyasa kuvyambata.

Mateo 3:11 Iomraidhean Croise

Isaya 4:4

A nzili yendi, Shukulu Kalunga akasompa nakujelesa lifuti nakukusha mulonga wa Yelusalema na maninga aje etikilile muje.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Mateo 3:6

vakevo valitavelele ku vivi vyavo, co wavambwitikile mu Ndonga ya Yondau.

Mako 1:4

Ngecivene, Yowano washolokele mu mambo, wakele nakumbwitika vanu nakwambulula ngwendi, “Tengulukeni ku vivi vyeni ngeci vamimbwitike, co Njambi akamisambesa ku vivi vweni.”

Luka 1:17

Akaya kulutwe lwa Mwene, na nzili na vukama ngwe Elinja muka-kwimanena. Akelwisila vaishavo na vana amolika, akatengulula vaka-kujeneka kwononoka nakuvelwisila lalo ku ngila yakuyongola ngwe vaka-vushunga, akavwaesela cimweja vanu va Mwene ngeci vamukengelele.”

Luka 3:16

Co Yowano wendekele kuli voshe ngwendi, “Njimimbwitika mu mema, oloni owo akaija napu wakama. Kunjapandele nameme kuzitula mikole ya a vin̄aku vyendi. Ikeye akamimbwitika na Munzinzime Wakujela na mu tuhya.

Luka 3:3

Ngecivene, Yowano waile mu lifuti lyoshe lya Ndonga ya Yondau nakwambulula ngwendi, “Tengulukeni ku vivi vyeni ngeci vamimbwitike, co Njambi akamisambesa ku vivi vyeni.”

Yowano 1:15

Yowano wambulwile vya ali ikeye. Co watambekele ngwendi, “Ou ikeye uje injamilekele ngwange, ‘Alinakwija munima yange, oloni ikeye napu wakama kutuvakana yange, omwo ikeye wakeleko akulivanga omo yange kanda njisemuke.’ ”

Yowano 1:30

Ou ikeye vene uje njendekele ngwange, ‘Munima yange mwija munu umo, oloni nanjituvakana, omwo ikeye wakeleko simbu kanda yange njisemuke.’

Vilinga vya Miluwa 1:5

Yowano wambwitikile na mema, oloni a matangwa amandondo lika vakamimbwitika na Munzinzime Wakujela.”

Vilinga vya Miluwa 19:4

Co Paulu wendekele ngwendi, “Kumbwitika kwa Yowano kwapwile kwa vaje vatengulukile ku vivi vyavo, co walekele vanu va Isalele ngeci vakulaele kuli umo uje akaija munima yendi, ikeye Yesu.”

Vilinga vya Miluwa 8:36

Co omo vakele nakushelumuka mu ngila, co vetele ku mutambela umo kuje kwakele mema, co uje mukulunu wendekele ngwendi, “Kenga, mema awa. Vika lalo vyasa kunjivindika kunjimbwitika?”

Vilinga vya Miluwa 8:38

Co uje mukulunu washikile ngeci vemike litemba, co voshe vavali, Filipu na uje mukulunu vashelumukile mu mema, co Filipu wamumbwitikile.

1 Kolinte 12:13

Mu ngila eyi vene, yetu voshe, nambe vaYunda na vaje kesi vaYunda, nambe vindungo nambe vanu vakupatuka, Munzinzime umo natumbwitika mu muvila umolika, co yetu voshe vatunwisile Munzinzime umolika.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Tito 3:5

ikeye watwovwele. Kesi ngwe ku vilinga vyetu vavenya vyakushungama vitwalingile embwe, oloni omwo ku kutetela kwendi vavenya ngeci watwovwele, ali Munzinzime Wakujela uje natwana kusemuka kwakuhwa na mwonyo wauha akutukusha.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”