Mateo 27:63 - Livulu lya Shukulu Kalunga

⁶³ vendekele ngwavo, “Shukulu, twanuka uje muka-kukwisa omo wakele nakuyoya wendekele ngwendi, ‘Njikasanguka omo kuneti matangwa atatu.’

Mateo 27:63 Iomraidhean Croise

Mateo 16:21

Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”

Mateo 17:23

co vakamutsiya, oloni omo kuneti matangwa atatu akasanguka.” Co vandongisi vazivile vusiwa vwakama manene.

Mateo 20:19

co vakamwana kuli vaje kesi vaYunda vaje vakamushendumuna, nakumupupa, co vakamushukika a cilindakano, oloni omo kuneti matangwa atatu akasanguka.”

Mateo 26:61

vendekele ngwavo, “Ou munu wendekele ngwendi, ‘Yange njasa kusiwula eyi Njuvo ya Shukulu Kalunga, co lalo njasa kuyitunga a matangwa atatu lika.’ ”

Mateo 27:64

Ngecivene, shika vanyunge mwamuvwa ku mbumbo, noo a litangwa lyamucitatu, kutewa vandongisi vendi vakaija nakumwiva vutsiki, co vakaleka vanu ngwavo, nasanguka ku vatsi. Co makuli akukotokela akatuvakana makuli akulivanga.”

Mateo 28:6

Ikeye waimo muno, omwo nasanguka laja, ngwe muje mwamilekele. Ijeni mumone mu mwela muvamulangekele.

Mako 10:34

co vakamushendumuna, nakumujekwila mate, nakumupupa, co vakamutsiya, oloni omo kuneti matangwa atatu akasanguka.”

Mako 8:31

Asinoni Yesu washangumukile kulongesa vandongisi vendi ngwendi, “Muna Munu napande kuyanda manene, co vakulunu vakamuvyana, na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni omo kuneti matangwa atatu akasanguka.”

Mako 9:31

omwo wakele nakulongesa vandongisi vendi ngwendi, “Muna Munu ololo vamwana ku mavoko a vanu, co vakamutsiya. Oloni omo kuneti matangwa atatu, akasanguka.”

Luka 18:31

Yesu watwalele vandongisi vendi likumi na vavali kwavo lika, co wendekele kuli vakevo ngwendi, “Tolilileni! Tulinakuya ku Yelusalema kuje vyuma vyoshe vije vivasonekele kuli vaka-kwimanena vya ali Muna Munu ngeci vikalingiwe.

Luka 18:33

Vakamupupa, co vaka-mutsiya, oloni munima ya matangwa atatu akasanguka.”

Luka 23:2

Co vashangumukile kumuvangela ngwavo, “Tunawana ou munalume alinakutangula vanu vetu, alinakuvindika kufweta lisimu kuli Sezale nakulitumbula ikeye vavenya ngwendi ikeye Wakuvwavesa, mwene.”

Luka 9:22

Co wendekele lalo kuli vakevo ngwendi, “Muna Munu napande kuyanda manene, co vakulunu vakamuvyana na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni munima ya matangwa atatu akasanguka.”

Yowano 2:19

Yesu wavakumbulwile ngwendi, “Siwuleni eyi Njuvo ya Shukulu Kalunga, co njikaitungulula lalo a matangwa atatu.”

Yowano 7:12

Co kuje kwakele kungunguta ali ikeye mu mbunga ije, vamo vanu vendekele ngwavo, “Napu munu wamuvwa.” Co veka lalo ngwavo, “Embwe, alinakutangula vanu.”

Yowano 7:47

VaFaliseo vavehwile ngwavo, “Neni lalo namikwisa ndi?

2 Kolinte 6:8

Valinakutusingimika nakutwombwanesa, valinakutushaula nakutushangazala. Valinakutupangesa ngwe tu vaka-makuli, kuma yetu twendeka vushunga,