Mateo 27:52 - Livulu lya Shukulu Kalunga

⁵² vimbumbo lalo vyashokolokele, co vaka-kujela vavangi vaje valalele muje vasangukile.

Mateo 27:52 Iomraidhean Croise

2 Vimyene 13:21

A simbu imo omo vanu vaile nakutsinda mutsi, co vamwene mbunga imo ya vaMowavi, co vaje vanu vombilile cije mu mbumbo ya Elisha, co vatewele. Vwasi-vwasi cije civimbi omo cakambolele ku vitsiya vya Elisha, co uje munalume wendukile nakwimana.

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Yowano 11:11

Yesu wendekele evi, co lalo wavalekele ngwendi,“Musamba wetu Lazalu nalala tulo, oloni njilinakuyako ngeci njikamwindule.”

Vilinga vya Miluwa 7:60

Co watsikamene a mavuli watambekele na lijwi lyakama ngwendi, “Mwene! Kesi wanuke vuvi vwavo ovu vuvanalingi!” Co omo wendekele majwi awa, watsile.

1 Kolinte 11:30

Omu mukemwo vavangi akati keni valinakuvinja nakuzeya, co vamo vanatsi.

1 Kolinte 15:20

Oloni vushunga vwa vyuma evi vunapu ovu, Kilistu vamusangwile ku vatsi, ngwe vemikile ngeci ngwavo vaje vanalala tulo twa kutsa vakavasangula lalo.

1 Kolinte 15:51

Tolilileni vushunga ovu vwakushwekesa, kutukatsi tuvavoshe, oloni yetu voshe tukemuka,

1 Tesalonika 4:14

Omwo tunakulaela ngwetu Yesu watsile, co wasangukile lalo, co tunakulaela ngwetu Njambi akanena amo na Yesu vaje vatsile mukukulaela kuli ikeye.

1 Tesalonika 5:10

uje watutsililile ngeci tukayoye amolika nendi, nambe tuyoya nambe tutsa omo akaija.