Mateo 27:4 - Livulu lya Shukulu Kalunga

⁴ Wendekele ngwendi, “Njinalingi vuvi akwenda vungungu munu wakujeneka mulonga.” Vamukumbulwile ngwavo, “Ovyo vikajo kuli yetu? Owo mulonga wove!”

Mateo 27:4 Iomraidhean Croise

1 Vimyene 21:27

Omo Elinja wamanesele kwendeka, co Ahave wazalele cikeleya mutanya na vutsiki. Walinyengele, co wavyanene kulya.

2 Vimyene 24:4

vunene vene a vanu vakujeneka mulonga vaje vatsiile. Co Shukulu Kalunga kasambesele Manase a vije vyalingile.

Yombi 13:4

Yeni mu vaka-kumanga vya makuli, mwapwa ngwe vimbanda va makuli vaje kuvasa kukangwisa vanu.

Yombi 16:2

“Njaziva laja majwi akufwa ngacije, kuzembeleka mulinakunjizembeleka nakwo, kunapu kwakunjizeyesa lika.

Myaso 94:21

vaje vatumba matumbe akulwisa vaka-vushunga, nakuhisa munu wakujeneka mulonga ngeci atse.

Kutuuka 12:31

Vutsiki vuje vene, mwene wasanene Mosesa na Alone wendekele ngwendi, “Tundeni, yeni na vaIsalele! Sezeni lifuti lyange! Yeni mukalemese Shukulu Kalunga, ngwe mumwalombele.

Kutuuka 9:27

Asinoni mwene wasanene Mosesa na Alone wendekele kuli vakevo ngwendi, “A simbu ino njinalingi vuvi, Shukulu Kalunga nalingi mwamuvwa, co yange na vanu vange tunaviisa.

Visimo 12:8

Munu muka-mana vakamushangazala, oloni cilema vakamukenga na shwamwa.

Njelemiya 26:15

Oloni zivukeni ngweni nga munjitsiya, co yeni, na nganda ino, mukakala na mulonga wakutsiya munu wakujeneka mulonga, omwo Shukulu Kalunga ikeye wanjitumine ngeci njiminangule.”

Yona 1:14

Ngecivene, vatambekele kuli Shukulu Kalunga ngwavo, “Yove Shukulu Kalunga, tulomba kuli yove ngeci kesi utunyanyamese a mwonyo wa munu ou. Co kesi utuhise akutsiya munu wakujeneka mulomga omwo yove Shukulu Kalunga unalingi ngwe muunashaka.”

Mateo 27:19

Omo Pilato watumbamene a litanda lyakusompa, munakazi wendi watumine majwi kuli ikeye ngwendi, “Kesi ulinge cuma cimo ali munu owo wakujeneka mulonga, omwo njozi njinaloto ya ali ikeye inanjiyandesa manene.”

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Luka 23:22

Pilato wendekele navo lwamucitatu ngwendi, “Vuvi vuka vwanalingi? Yange kunjawanene cuma cakumutsiila! Njimupupa lika, co njimwecela aye.”

Luka 23:41

Cihiso cetu cinatupande, omwo tutambula fweto ya vilinga vyetu, oloni munalume ou kesi na vuvi.”

Luka 23:47

Co mukulunu wa mashwalale wamwene vije vyalingiwile, washangazalele Njambi wendekele ngwendi, “Mwa vushunga munalume ou wapwile muka-vushunga!”

Yowano 19:7

Mbunga vamukumbulwile ngwavo, “Tuli na lishiko lije lyendeka ngeci napande vene kutsa, omwo nalipwisa ikeye vavenya Muna Njambi.”

Vilinga vya Miluwa 13:28

Co nameme kuvawanene vukaleo ngeci vamutwale ku kutsa, oloni valombele Pilato ngeci amutsiye.

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

1 Timateo 4:2

Vilongesa evi vilinakutunda kuli vanu vaka-kuseveleka na vaka-makuli, vaje vitaku-taku vyavo vinatsi, ngwe vyakwenyeka na cikuvo ca tuhya.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

1 Petulu 1:19

oloni vamipatwile na n̄ombelo ya ndando yakama ya Kilistu, uje wapwile ngwe muna manga wakujeneka livala nambe kapenga.

1 Yowano 3:12

Kutwapandele kupwa ngwe Kaini, ikeye wakundamene kuli Uje Liyavola, co watsiile shongo yendi Avele. Omwo vikajo Kaini wamutsiile? Omwo Kaini walingile vyuma vyavivi, oloni vyuma vije vyalingile ndolome yendi Avele vyapwile vyavivwa.

Kujombolola 11:10

Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.

1 Samwele 15:24

Co Saulu wamukumbulwile ngwendi, “Eyo, njinalingi vuvi. Kunjononokele lishiko lya Shukulu Kalunga na majwi ove. Omwo njakele na lyova na vanu vange, co njalingile vije vivashakele.

1 Samwele 15:30

Saulu wamukumbulwile ngwendi, “Njinalingi vuvi. Oloni njisingimikeko lika ku mesho a vantwama vange na kuli Isalele yoshe. Iluka amo nange ngeci njikalemese Shukulu Kalunga Njambi yove.”

1 Samwele 19:5

Ikeye wecelele mwonyo wendi omo watsiile Ngolyata, co Shukulu Kalunga wahyanesele manene vaIsalele. Omo wamwene vyuma evi, co wavwaelelele. Omwo vikajo ushaka kulinga mwamuvi kuli munu wakujeneka mulonga akutsiya Ndaviti omwo kesi na mulonga?”