Mateo 27:31 - Livulu lya Shukulu Kalunga

³¹ Co omo vamanesele kumushendumuna, vamushulwile cije cikoveyo, vamuzikile lalo vuzalo vwendi. Asinoni vamutwalele anja ngeci vakamushukike a cilindakano.

Mateo 27:31 Iomraidhean Croise

1 Vimyene 21:10

Anguleni vanalume vavali vaje vipapoki vakumukutiiye n̄anda ngwavo natuku Njambi na mwene. Co mutwaleni anja ya nganda mukamutsiye na mamanya.”

1 Vimyene 21:13

Co vaje vipapoki vavali vamukutiiye ku mesho a vanu ngwavo natuku Njambi na mwene, ngecivene, vamutwalele anja ya nganda vamwashele mamanya nakumutsiya.

Isaya 53:7

“Vamuyandesele, oloni wolokele kuluu, wolokele kuluu ngwe manga uje vatwala nakumutsiya, ngwe manga uje oloka kuluu kuli vaka-kumuteula.

Kulava 15:35

Co Shukulu Kalunga wendekele kuli Mosesa ngwendi, “Munu ou napande kutsa, mbunga yoshe vamutwale anja ya cilombo vakamwashe mamanya.”

Mateo 20:19

co vakamwana kuli vaje kesi vaYunda vaje vakamushendumuna, nakumupupa, co vakamushukika a cilindakano, oloni omo kuneti matangwa atatu akasanguka.”

Mateo 21:39

Ngecivene, vamukwatele, vamumbilile anja ya citungu, co vamutsiile.”

Mateo 26:2

“Mwazivuka ngeci omo kwita matangwa avali lika, kukakala Ciwano ca Pasovala, co Muna Munu vakamwana ngeci vamushukike a cilindakano.”

Mako 15:20

Omo vamanesele kumushendumuna, vamushulwile cikoveyo cakuvenga, co vamuzikile lalo vuzalo vwendi. Asinoni vamutwalele anja ngeci vakamushukike a cilindakano.

Yowano 19:16

Asinoni Pilato wavanene Yesu ngeci vamushukike a cilindakano. Ngecivene, vatambwile Yesu.

Yowano 19:27

Asinoni wendekele lalo kuli uje ndongisi ngwendi, “Kenga vanyoko ava.” Co kutunda a simbu ije uje ndongisi wamutwalele ku njuvo yendi.

Vilinga vya Miluwa 7:58

asinoni vamukokelele anja ya nganda, co vamwashele mamanya. Vakaleo vasezele vikoveyo vyavo nakuvinyunga kuli mukwenje umo lizina lyendi Saulu.

VaHevelu 13:12

Mu cifwa cije vene lalo Yesu watsililile anja ya cikolo ca nganda, mukusambesa vuvi vwa vanu na maninga endi.