Mateo 27:19 - Livulu lya Shukulu Kalunga

¹⁹ Omo Pilato watumbamene a litanda lyakusompa, munakazi wendi watumine majwi kuli ikeye ngwendi, “Kesi ulinge cuma cimo ali munu owo wakujeneka mulonga, omwo njozi njinaloto ya ali ikeye inanjiyandesa manene.”

Mateo 27:19 Iomraidhean Croise

Kushangumuka 31:11

Kangelo ka Njambi wanjisanene mu njozi ngwendi, ‘Yakomba!’ Co njamutavele ngwange, ‘Ewa, yange uno Shukulu.’

Kushangumuka 31:24

Co mu njozi a vutsiki vuje vene, Njambi wezile kuli Lambani nakwendeka ngwendi, “Kesi weseke kushungwiya Yakomba mu ngila ika nambe ika.”

Kushangumuka 31:29

Njili na nzili yakukuvulumuna, oloni vutsiki vwa izau Njambi ya isho, ikeye nanjinangwile ngwendi kesi njikushungwiye mu ngila ika nambe ika.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

Mateo 1:20

Oloni simbu wacikele nakuyongola ngeci, kangelo ka Mwene washolokele kuli ikeye mu njozi ngwendi, “Ove Yosefa, wa ku naanga ya Ndaviti, kesi uzive lyova lyakwambata munakazi wove Maliya, omwo kafumba aka kalinako kanatundu ku Munzinzime Wakujela.

Mateo 2:19

Oloni omo Helonde watsile, kangelo ka Mwene washolokele kuli Yosefa mu njozi ku Ingito, wendekele ngwendi,

Mateo 2:22

Omo Yosefa wazivile ngeci Alekelau nashwana a litanda lya ishe Helonde kupwa mwene mu Yundeya, co wazivile lyova lyakuya kuje. Ngecivene, Njambi wamunangwile mu njozi, co watundile kuje waile ku lifuti lya Ngalileya.

Mateo 27:18

Omwo Pilato wazivukile ngeci vakulunu va vaYunda vanenele Yesu kuli ikeye omwo vakele na lifuwa.

Mateo 27:24

Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”

Mateo 27:4

Wendekele ngwendi, “Njinalingi vuvi akwenda vungungu munu wakujeneka mulonga.” Vamukumbulwile ngwavo, “Ovyo vikajo kuli yetu? Owo mulonga wove!”

Luka 23:41

Cihiso cetu cinatupande, omwo tutambula fweto ya vilinga vyetu, oloni munalume ou kesi na vuvi.”

Luka 23:47

Co mukulunu wa mashwalale wamwene vije vyalingiwile, washangazalele Njambi wendekele ngwendi, “Mwa vushunga munalume ou wapwile muka-vushunga!”

Yowano 19:13

Omo Pilato wazivile majwi awa, watuwisile Yesu anja, co watumbamene a citumbamo cakusompela mu mwela uvatumbwile ngwavo, “Mutambela Wakujala na Mamanya.” (Mu ciHevelu ngwavo, “Ngambata.”)

Vilinga vya Miluwa 12:21

A litangwa limo livaangwile, Helonde wazalele vikoveyo vyendi vya vumwene, co watumbamene a litanda lyendi, co wendekele kuli vanu.

Vilinga vya Miluwa 18:12

Oloni omo Ngaliyo wapwile nguvulu wa vaLoma mu Akaya, vaYunda valikungulwile amo vakwatele Paulu nakumutwala ku mbanja yakusompela.

Vilinga vya Miluwa 18:16

Co wavashekele mu mbanja.

Vilinga vya Miluwa 18:17

Co voshe vakokangeyeye Sosetene, uje wapwile ntwama wa sinangonge, vamupupilile ku mesho a mbanja. Oloni Ngaliyo kombileko mbunge ku cuma cije.

Vilinga vya Miluwa 25:10

Paulu wendekele ngwendi, “Njinemana mu mbanja ya vavenya Nguvulu yakusompela, muje vanapande kunjisompa. Nacimo cacivi cinjinalingi kuli vaYunda cai, ngwe muuzivukila yove vavenya.

Vilinga vya Miluwa 25:17

Omo vezile kuno, co kunjeshwalele, oloni alikaki njatumbamene mu mbanja yakusompela nakushika ngeci vanene uje munalume.

Vilinga vya Miluwa 25:6

Omo Fesitase wakele matangwa eka lalo akupwa atanu na atatu nambe likumi amo navo asinoni waile ku Sesaliya. Co litangwa likwavo watumbamene mu mbanja yakusompela, co washikile ngeci vanene Paulu.

1 Petulu 2:22

Ikeye kalingile vuvi, co lalo naumo wai wazivile makuli atunda mu kanwa kendi.

1 Yowano 2:1

Vana vange vavandondo, njilinakumisonekela evi, ngeci kesi mulinge vuvi, oloni nga umo alinga vuvi, tuli naumo muka-kutwimanena kuli Tate, ikeye Yesu Kilistu, muka vushunga.