Mateo 26:61 - Livulu lya Shukulu Kalunga

⁶¹ vendekele ngwavo, “Ou munu wendekele ngwendi, ‘Yange njasa kusiwula eyi Njuvo ya Shukulu Kalunga, co lalo njasa kuyitunga a matangwa atatu lika.’ ”

Mateo 26:61 Iomraidhean Croise

Kushangumuka 19:9

Oloni vanalume va mu Sondoma vendekele ngwavo, “Tunda mu ngila yetu, yove mungenzi! Yove iyajo ngeci utuleke vyakulinga? Tunda lika mu ngila, nga uvyana, tukalinga vyavivi manene kuli yove kutuvakana vije tukalinga kuli vakevo.” Vanakwilile Lote munima, co vashwenyele ku njuvo ngeci vatavule lipito.

1 Vimyene 22:27

Valekeni vamwake mu kamenga, co vamwane lika likende na mema noo njiiluka mwamuvwa.”

2 Vimyene 9:11

Yehu welukilile kuli vakwavo vamyata, co vamwihwile ngwavo, “Vyuma vyoshe vinavwaa ndi? Uje cizaluke ashaka vikajo kuli yove?” Yehu wavakumbulwile ngwendi, “Mwazivuka cifwa cendi.”

Isaya 49:7

Njambi wakujela wa Isalele na muyoyesi nendeka kuli uje uvayengula vanu, uje ivazinda vaka-mafuti, nakupwa ngamba ya vaka-kushwana ngwendi, “Vimyene vakakumona omo ukapatuka, co vakemana mukumwesa kasingimiko kavo, na vana va vimyene lalo vakacimona, co vakakulama nakukusingimika.” Eci cikalingiwa omwo Shukulu Kalunga, naangula ngamba yendi, Njambi wakujela wa Isalele, muka-kunyunga cikulaeso cendi.

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Mateo 12:24

Oloni omo vaFaliseo vavazivile, vendekele ngwavo, “Munalume ou alinakutundisa minzinzime yakujwala omwo ali na nzili yanamwana Mbelezembulu mwene ya minzinzime yakujwala.”

Mateo 26:62

Co uje Muka-kukombelela Wakama wemanene nakwendeka kuli Yesu ngwendi, “Kuma yove kuwesi na majwi akukumbulula a vyuma evi valinakukuvangela ngeci ndi?”

Mateo 26:71

Co Petulu waile ku cikolo ca mbanja. Co ngamba mukwavo wamumbanda wamumwene wendekele na vanalume vaje vakele kuje ngwendi, “Ikeye wakele amo na Yesu wa ku Nazaleta.”

Mateo 27:40

co vendekele ngwavo, “Yove wendekele ngwove ukasiwula Njuvo ya Shukulu Kalunga, co ukaitunga lalo a matangwa atatu! Lyamene yove vavenya nga u muna Njambi! Shuluka a cilindakano!”

Mateo 27:5

Co Yundasa wombilile vije vimbongo mu Njuvo ya Shukulu Kalunga, co waile nakulishukika.

Mako 14:58

“Twamuzivile alinakwendeka ngwendi, ‘Yange njikasiwula eyi Njuvo ya Shukulu Kalunga ivatungile kuli vanu, co omo kuneti matangwa atatu njikatunga yeka yakujeneka kutunga na mavoko a vanu.’ ”

Mako 15:29

Co vanu vaje vakele nakwita kuje vaningangesele mitwe yavo nakushaula Yesu ngwavo, “Lelo tumona! Yove washakele kusiwula Njuvo ya Shukulu Kalunga, co ukayitunga lalo a matangwa atatu!

Luka 23:2

Co vashangumukile kumuvangela ngwavo, “Tunawana ou munalume alinakutangula vanu vetu, alinakuvindika kufweta lisimu kuli Sezale nakulitumbula ikeye vavenya ngwendi ikeye Wakuvwavesa, mwene.”

Yowano 9:29

Tuzivuka ngeci Njambi wendekele na Mosesa, oloni munu ou kutuzivuka noku kwatunda!”

Vilinga vya Miluwa 17:18

Vamo valongisi va munga ivatumbwile ngwavo Epikulyu na munga ya Sitoike valikananganene nendi. Vamo vavo vehwile ngwavo, “Vika ashaka kwendeka ou cilema wa kulyalesa?” Veka vendekele ngwavo, “Cisholoka ngwe alinakwendeka vya vinjambi veka.” Vendekele evi omwo Paulu wakele nakwambulula vya Yesu na cisangukilo.

Vilinga vya Miluwa 18:13

Vendekele ngwavo, “Munalume ou alinakusindiya vanu kulemesa Njambi mu ngila yakulwisa lishiko!”

Vilinga vya Miluwa 22:22

Vanu vatolililile kuli Paulu noo wendekele evi, oloni vashangumukile kutambeka manene ngwavo, “Kutwamushakele ou munalume! Mutsiyeni! Kapandele kuyoya!”