Mateo 26:58 - Livulu lya Shukulu Kalunga

⁵⁸ Oloni Petulu wamukavele alyala kamandondo, noo vetele ku cipango ca njuvo ya Muka-kukombelela Wakama. Co wakovelele mukati, watumbamene amo na vaka-kunyunga, ngeci amone muvihwila vyuma vyoshe.

Mateo 26:58 Iomraidhean Croise

Mateo 26:3

Asinoni vakulunu va vaka-kukombelela na vakulunu va vaYunda valikungulwile amo mu lipela lya Kayafase Muka-kukombelelela Wakama.

Mateo 5:25

“Lisambese vwasi na muka-n̄ole yove uje mumunalivulumwina omo muya mumo mu ngila kukusompa, kutewa akakutwala kuli lyaako, co lyaako akakwana kuli lishwalale, co lishwalale akakwaka mu kamenga.

Luka 22:54

Vakwatele Yesu, co vamutwalele ku njuvo ya Muka-kukombelela Wakama, co Petulu wamukavele munima wakele alyala kamandondo.

Yowano 18:25

Petulu wemanene kuje vene nakwota tuhya. Ngecivene, vakwavo vendekele kuli ikeye ngwavo, “Yove lalo kuwapwile umo wa vandongisi va munalume ou ndi?” Oloni Petulu wavyanene ngwendi, “Embwe, kesi yange.”

Yowano 19:6

Omo vakulunu va vaka-kukombelela na vaka-kunyunga Njuvo ya Shukulu kalunga vamumwene, vatambekele ngwavo, “Mushukike a cilindakano! Mushukike a cilindakano!” Pilato wendekele kuli vakevo ngwendi, “Mwambateni mukamushukike a cilindakano. Omo kunjawanene mulonga wakumuhisa nawo wai.”

Yowano 7:32

VaFaliseo vazivile mbunga ije vakele nakungunguta ali Yesu a vyuma evi, ngecivene, vakevo na vakulunu va vaka-kukombelela vatumine vamo vaka-kunyunga ngeci vakakwate Yesu.

Yowano 7:45

Omo vaka-kunyunga velukile, vakulunu va vaka-kukombelela na vaFaliseo vavehwile ngwavo, “Omwo vika kumwezile nendi?”

Vilinga vya Miluwa 5:22

Oloni omo vaje vantwama vetele kuje, kuvawanene vaje miluwa mu kamenga, ngecivene, velukile ku Munga vakambulwile ngwavo,

Vilinga vya Miluwa 5:26

Ngecivene, uje mukulunu wa vaka-kunyunga Njuvo ya Shukulu Kalunga waile na vanu vendi wakashakele miluwa. Kuvakapangesele nzili omwo vazivile lyova ngwavo amo vanu vavasha mamanya.