Mateo 26:39 - Livulu lya Shukulu Kalunga

³⁹ Co washwenyeleko kulutwe kamandondo, wavulumanene, co walombelele ngwendi, “Tate, nga citava, nganja eyi ya kayando itunde kuli yange! Kesi ngwe mwaya cizango cange embwe, oloni cizango cove cilingiwe.”

Mateo 26:39 Iomraidhean Croise

Kushangumuka 17:3

Co Avilama watsikamene, nakukulamena asi, co Njambi wendekele nendi ngwendi,

2 Samwele 15:26

Oloni nga kavwaelela nange, co mwamuvwa ikeye alinge mwoshe mwashaka kulinga kuli yange.”

1 Mizimbu 21:16

Co Ndaviti wandwile mesho endi wamwene kangelo nemana a vukambwila, najundula livoko lyendi lije lyakele na mukwale ngeci anyongese Yelusalema. Asinoni Ndaviti na vantwama va vanu, vaje voshe vazalele vikeleya, vatsikamene, vakengesele vihanga vyavo asi.

Isaya 50:5

Shukulu Kalunga nashokolola matwi ange ngeci njizive, co kunjamutengulukilile nambe kutunda kuli ikeye.

Isaya 53:12

Ngecivene, njikamwana mutambela wa kasingimiko, akati ka vanu va vulemu na nzili. Watavele kwana mwonyo wendi nakumulavela amo mu luvinda lwa vaka-vuvi. Vanu vamuyongwele ngwavo muka-vuvi, oloni wayandele omwo vuvi vwavo, co walombelele kuli Njambi ngeci Njambi avasambese.”

Ezekiyele 1:28

co cije ceke cakele na mivembe ya cifwa ca nkongolo. Eci cikeco ceke cakuvyazima cije cisholola vumpau vwa Shukulu Kalunga.

Kulava 14:5

Asinoni Mosesa na Alone vakulamene asi ku mesho a mbunga yoshe ya vanu va Isalele vaje vakungulukilile kuje.

Kulava 16:22

Oloni Mosesa na Alone valyumbilile asi, co vendekele ngwavo, “Yove Njambi, yove wapwa nsina ya vanu voshe. Nga munu umo alinga vuvi, co yove uluvala na mbunga yoshe ndi?”

Mateo 20:22

Oloni Yesu wavakumbulwile ngwendi, “Kumuzivuka eci cuma cimunalombo. Kuma mwasa kunwa ku nganja ya kayando ije injikanwa ndi?” Vamukumbulwile ngwavo, “Twasa.”

Mateo 24:24

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Mateo 26:42

Lalo simbu yamucivali waile, co walombelele ngwendi, “Tate, nga nganja eyi ya tuyando kuyasa kunjituvakana kuvanga njiinwe, cizango cove cilingiwe.”

Mako 13:22

Omwo kukasholoka vaKuvwavesa va makuli na vaka-kwimanena va makuli vakamwesa vizivukiso na vikomokeso vyakama, vakatangule nga citava nameme vaje vavaangwile kuli Njambi.

Luka 17:16

Co wavulumanene ku myanja ya Yesu nakumukandelela. Ikeye wapwile kaSamaliya.

Yowano 11:41

Ngecivene, vatundisileko limanya. Co Yesu wakengele kwilu wendekele ngwendi, “Tate, njikukandelela, omwo ukanjizivi.

Yowano 14:31

oloni njilinakulinga ngwe mwanjishikile, ngecivene, vaka-kaye vazivuke ngeci yange njazema Tate. “Katukeni, tuyeni tutunde ku mutambela uno.

Yowano 18:11

Yesu wendekele kuli Petulu ngwendi, “Shomeka mukwale wove mu cindalo cawo! Kuma uyongola ngwove kunjasa kunwa nganja eyi ya kayando yananjana Tate ndi?”

Yowano 5:19

Ngecivene, Yesu wavakumbulwile ngwendi, “Mwa vushunga njimileka ngwange, Mwana kasa kupanga cuma cimo endi lika, akalingi lika vije amona Ishe alinga. Omwo vije vyalinga Ishe, vikevyo lalo vyalinga Mwana.

Yowano 5:30

“Kunjasa kulinga cuma cimo na moko yange vavenya, Njikasompa lika muje mwanjileka Njambi, ngecivene, kusompa kwange kunapu kwa vushunga, omwo kunjesi kulinga vije vinjishaka embwe, oloni kuvanga vije lika vyashaka uje wanjitumine.

Yowano 6:38

omwo njatundile mwilu kesi kulinga cizango cange embwe, oloni kulinga cizango ca uje wanjitumine.

Vilinga vya Miluwa 10:25

Omo Petulu wakele nakukovela, Konelyasi wamusheshele, co watsikamene a mavuli ku myanja yendi nakumulemesa.

Filipu 2:8

Co walikeesele nakwenda mu ngila yakwononoka kutwala ku kutsa kwendi, kutsa kwendi a cilindakano.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.