Mateo 26:3 - Livulu lya Shukulu Kalunga

³ Asinoni vakulunu va vaka-kukombelela na vakulunu va vaYunda valikungulwile amo mu lipela lya Kayafase Muka-kukombelelela Wakama.

Mateo 26:3 Iomraidhean Croise

Myaso 56:6

Valikungulwila ku mitambela ya mu vushweke, nakukengelela a vyuma vyoshe vinjilinga, co vayongola kunjitsiya.

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Njelemiya 17:27

Oloni nga kuvanjononoka nakunyunga Litangwa Lyakuhwima kupwa litangwa lyakujela, kwitisa citele cimo mu vikolo vya Yelusalema a Litangwa Lyakuhwima, nga valingamo, co njikashwameka tuhya ku vikolo vya Yelusalema. Tuhya tukenyeka mapela a mu Yelusalema, co naumo wai akatuzima.”

Mateo 26:69

Petulu watumbamane anja mu lipela omo kwezile umo mumbanda ngamba ya Muka-kukombelela Wakama, co wendekele kuli Petulu ngwendi, “Nove lalo wakele amo na Yesu wa ku Ngalileya.”

Mateo 27:27

Asinoni mashwalale va Pilato vakovelesele Yesu mu lipela lya nguvulu, co mbunga yoshe ya mashwalale vamuzengelekele.

Mako 14:54

Co Petulu wamukavele wakele alyala kamandondo, wakovelele mu cipango ca njuvo ya Muka-kukombelela Wakama. Co watumbamene amo na vaka-kunyunga, co wakele nakwota tuhya.

Mako 14:66

Co omo Petulu wakele mu cipango umo ngamba ya Muka-kukombelela Wakama wezile.

Mako 15:16

Co mashwalale vakovelesele Yesu mukati ku cipango ca lipela lya nguvulu, co vasanene mbunga yoshe ya mashwalale.

Luka 22:55

Vamo vavwekele tuhya mukati ka cipango vakele nakwota tuhya, co Petulu nendi watumbamene navo.

Luka 3:2

co Anase na Kayafase vapwile Vaka-kukombelela Vakama. A simbu ije lijwi lya Njambi lyezile kuli Yowano muna Zakaliya omo wakele mu mambo.

Yowano 11:57

Vakulunu va vaka-kukombelela na vaFaliseo vashikile ngwavo nga umo wazivukile kuje kwakele Yesu, napandele kwambulula ngeci vakamukwate.

Yowano 18:24

Asinoni Anase watumine Yesu kuli Kayafase Muka-kukombelela Wakama oku anga vanamukutila.

Yowano 18:28

Mutondo-tondo vatundisile Yesu ku njuvo ya Kayafase vamutwalele ku lipela lya nguvulu. Vamyata va vaYunda kuvakovelele mukati ka lipela, omwo kuvashakele kulijwalesa, ngeci vakase kulya Ciwano ca Pasovala.