Mateo 26:29 - Livulu lya Shukulu Kalunga

²⁹ Njimileka ngwange, kutunda lelo kunjikanu neni lalo vinyu kuvanga noo a litangwa lije njikanwa neni vyaviha mu Vumwene vwa Tate.”

Mateo 26:29 Iomraidhean Croise

Myaso 104:15

nakulima lalo vinyu ngeci vivwaelelese mbunge ya munu, na mazi a olive akulikwita ku mesho endi, na likende ngeci limwane nzili.

Myaso 4:7

Oloni kuvwaelela oku kuunanjana kunapu kwakama manene, kunatuvakana kuvwaelela kwa vaje vali na vimbuto vyavingi na vinyu vyavo vyavingi vyaviha.

Myaso 40:3

Wanjilongesele kwimba mwaso wauha, mwaso wakushangazala Njambi yetu. Vavangi vakamona eci, co vakaziva lyova, co vakakulaela kuli Shukulu Kalunga.

Myaso ya Solomoni 5:1

Njinaija mu citungu cange, ndokazi yange, shombolwa yange. Njilinakukungulula miila na malimangango, njinali vuki vwange, na ngenga yange ya vuki, njinanu vinyu vyange na mavele ange. Vaka-cizemo, lyeni nakunwa noo munapwisamo na cizemo!

Isaya 25:6

Aa vene a Munkinda wa Siyone, Shukulu Kalunga Muka-nzili yoshe akavwaeselao miyati yoshe ya mu kaye ciwano ca vyakulya vyavivwa na vinyu vyavivwa.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Zakaliya 9:17

Lifuti lije likapwa lyakuvwaa manene! Vanike vakakola na nzili omwo vimbuto vyamwo na vinyu vyamwo.

Mateo 13:43

Asinoni vaka-kujela va Njambi vakatwa ceke ngwe litangwa mu Vumwene vwa Ishavo. Uje woshe ali na matwi, azive!

Mateo 16:28

Mwa vushunga njimileka ngwange, kuvali vamo kuno kuvakatsi kuvanga vanamono Muna Munu alinakwija mu vumwene vwendi.”

Mateo 18:20

Omwo kuje kunangulukila vanu vavali nameme vatatu mu lizina lyange, nange lalo njili akati kavo.”

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Mateo 26:28

omwo vinyu evi vinapu maninga ange aje anakolesa cikumiiyo ca Njambi, akwitikila ali vanu vavangi mukuvasambesa ku milonga yavo.

Mateo 26:30

Co omo vamanesele kwimba mwaso, co vatuukile vaile ku Munkinda wa Oliveta.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Mako 14:25

Mwa vushunga njimileka ngwange, kutunda lelo kunjikanu neni lalo vinyu kuvanga noo a litangwa lije njikanwa neni vinyu vyaviha mu Vumwene vwa Njambi.”

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Luka 15:32

Oloni tunapande kujolela nakuvwaelela, omwo ndolome yove watsile, oloni ololo alinakuyoya, wazimbalele, oloni ololo tunamuwana.’ ”

Yowano 15:11

“Njamileka vyuma evi ngeci kuvwaelela kwange kukale muli yeni, co kuvwaelela kweni kupwe kwamutunu.

Yowano 16:22

Ngecivene, omu mukemwo mucinapu neni, ololo muli na vusiwa, oloni njikamimona lalo, co vimbunge vyeni vikashula nakujolela, kujolela kuje naumo wai akacitundisa muli yeni.

Yowano 17:13

Oloni ololo njilinakwija kuli yove, co njilinakwendeka vyuma evi ano a kaye ngeci kuvwaelela kwange kukale mu vimbunge vyavo.

Vilinga vya Miluwa 10:41

kesi ku vanu voshe, oloni kuvanga kuli vakaleo vaje vaangwile laja Njambi, yetu vene, vaje valile nakunwa amo nendi omo nasanguka ku vatsi.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

Kujombolola 14:3

Vanu vaje vakupwa 144,000 vemanene kukutwe lwa litanda na vikashama vawana vakuyoya na vakulunu, vembile mwaso wauha, uje naumo wai wasele kulilongesawo kuvanga vakevo lika. Vakevo lika vaje vavakulile kutunda akati ka miyati ya vanu voshe.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”