Mateo 26:26 - Livulu lya Shukulu Kalunga

²⁶ Omo vakela nakulya, Yesu wanonele likende, walombele lilombelo lyakukandelela, co walipazwile, co walyanene kuli vandongisi vendi ngwendi, “Tambuleni mulye. Eli linapu muvila wange.”

Mateo 26:26 Iomraidhean Croise

Mateo 14:19

Asinoni washikile vanu vatumbame asi a mwila, co watambwile ije mikasha ya makende itanu na visi vavali, wakengele mwilu, co wakandelelele kuli Njambi. Wapazwile ije mikasha ya makende wayanene kuli vandongisi vendi, co vandongisi vapangezelele vimbunga vya vanu.

Mateo 26:27

Asinoni Yesu wanonele lalo nganja ya vinyu, wakandelelele kuli Njambi, co wavaneneyo nakwendeka ngwendi, “Nwenimo mulishumwine muvavoshe,

Mako 6:41

Asinoni Yesu watambwile ije mikasha ya makende itanu na visi vavali, wakengele mwilu, co wakandelele kuli Njambi. Wapazwile ije mikasha ya makende wayanene kuli vandongisi vendi ngeci vapangezele vimbunga vya vanu. Co na vaje visi vavali lalo wavapangezelele mukati kavo.

Luka 22:17

Co Yesu wanonele nganja ya vinyu, wakandelelele kuli Njambi, co wendekele ngwendi, “Tambuleni nganja eyi mulishumwine akati keni,

Luka 24:30

Co watumbamene navo ku mesa nakulya, co wanonele likende nakulivezikisa, co walipazwile walyanene kuli vakevo.

Vilinga vya Miluwa 2:46

Co a litangwa na litangwa valikungulwile mu Njuvo ya Shukulu Kalunga, co valile vyakulya amolika mu vinjuvo vyavo, vakele nakulya na vimbunge vyakujolela na kulikeesa,

Vilinga vya Miluwa 20:7

A litangwa lya Sapalalo cingwezi twalikungulwile amo nakulya. Paulu wendekele kuli vanu, co watwaleleo manene kwendeka noo mukati ka vutsiki, omwo wayongwele kuya alikaki.

1 Kolinte 10:4

nakunwa kwakulifwa kwa munzinzime. Vanwile vyakutunda ku limanya lya munzinzime lije livendele nalyo, co limanya lije lyapwile Kilistu vavenya.