Mateo 26:25 - Livulu lya Shukulu Kalunga

²⁵ Yundasa uje vene wamwendele vungungu, wamwihwile ngwendi, “Mwa vushunga Mulongisi, yange vene ndi?” Yesu wamukumbulwile ngwendi, “Omo vene muunendeka.”

Mateo 26:25 Iomraidhean Croise

2 Vimyene 5:25

Omo welukile mu njuvo, Elisha wamwihwile ngwendi, “Unaile kuli?” Co ikeye wamukumbulwile ngwendi, “Shukulu, nakumo kwai kunjinaile.”

Visimo 30:20

Munakazi muka-kulinga vupangala akendeka ngwendi, “Kulimona na munalume weka cinapu ngwe kulya vyakulya.”

Mateo 23:7

co vazema vanu kuvakandelela na kasingimiko mu mitambela yakulandesela nakuvatumbula ngwavo, ‘Mulongisi.’

Mateo 23:8

Oloni yeni kuvapandele kumitumbula ngwavo, ‘Mulongisi,’ omwo yeni muli na mulongisi weni umolika, co yeni voshe munapu vasamba kuli umo na mukwavo.

Mateo 26:14

Asinoni ndongisi umo uje wavulikumi na vavali, lizina lyendi Yundasa Isikalyote, waile kuli vakulunu va vaka-kukombelela,

Mateo 26:49

Co Yundasa wetele washungamene vene ali Yesu, co wendekele kuli Yesu ngwendi, “Kwoloka kukale neni Mulongisi,” co wamutsembele.

Mateo 26:64

Yesu wamukumbulwile ngwendi, “Muunendeka mukemwo vene. Oloni njimileka muvavoshe ngwange, tunde a simbu ino mukamona Muna Munu natumbama ku livoko lya cilyo lya Muka-nzili yoshe, alinakwija a mashelwa!”

Mateo 27:11

Yesu wemanene ku mesho a Pilato nguvulu wa vaLoma, co wamwihwile ngwendi, “Yove mwene wa vaYunda ndi?” Yesu wamukumbulwile ngwendi, “Muunendeka mukemwo vene.”

Luka 22:70

Co voshe vamwihwile ngwavo, “Kuma yove u Muna Njambi ndi?” Ikeye wavakumbulwile ngwendi, “Omo mumunendeka mukemwo vene.”

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 4:31

A simbu ije vene vandongisi valombele Yesu ngwavo, “Mulongisi, lya vyakulya!”