Mateo 26:10 - Livulu lya Shukulu Kalunga

¹⁰ Oloni Yesu wazivukile vije vivakele nakwendeka, wendekele kuli vakevo ngwendi, “Omwo vikajo mulinakupakesa ou munakazi? Omwo napanga cuma cacivwa manene ali yange.

Mateo 26:10 Iomraidhean Croise

Nehemiya 2:18

Co njavalekele oni muje Njambi mwakele amo nange nakunjikwasa, na muje mwendekele mwene kuli yange. Co vakumbulwile ngwavo, “Ijeni tushangumuke kutungulula!” Co vashangumukile kupanga.

Yombi 13:7

Omwo vikajo mwendekela makuli ali Njambi? Nakuvanda cimbango ali ikeye?

Mateo 26:11

Omwo tuutu muli navo simbu yoshe, oloni yange kunjikakala neni simbu yoshe embwe.

Mateo 26:9

Omwo mazi awa vanapandele kuwalandesa ndando yakama nakwana vimbongo ku tuutu!”

Mako 14:6

Oloni Yesu wendekele kuli vakevo ngwendi, “Mweseleni! Omwo vikajo mulinakupakesela ou munakazi? Ikeye napanga cuma cacivwa manene ali yange.

Luka 8:49

Omo Yesu acili nakwendeka evi, co muluwa wezile watundile ku njuvo ya Njailosi, walekele Njailosi ngwendi, “Munove natsi, kesi upakese Mulongisi.”

2 Kolinte 9:8

Co Njambi akasa kumyana kutuvakana ngwe kukujeneka kweni, ngeci mukakale navyo vyavingi ngwe kukujeneka kweni, nakukala lalo na vyavingi vyakupwisa a vuvwa vwoshe.

Ngalatiya 1:7

Mwa vushunga, kukwesi “muzimbu weka,” oloni njilinakwendeka ngeci omwo kuli vamo vanu valinakumitanganesa vashaka kutengulula muzimbu wa Kilistu.

Ngalatiya 5:12

Njishaka ngeci vanu vaje valinakumitanganesa kesi valengesele aa lika, veceleni vatwaleo nakulipwisa vayunuke!

Ngalatiya 6:17

Mukumanesela ngwange, kesi kukale umo anjane vukalu, omwo viveve vinjilinavyo a muvila wange vimwesa ngeci yange nji ndungo ya Yesu.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

2 Tesalonika 2:17

amitakamesa nakumikolesa mukulinga nakwendeka vije vinapu vyavivwa simbu yoshe.

1 Timateo 3:1

Evi vinapu vyendeka vya vushunga, nga munu umo ashungwiya vipangi vya vuntwama mu cikungulukilo ikeye ashaka vipangi vyavivwa.

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

2 Timateo 2:21

Voshe vaje valijelesa vakevo vavenya ku vyuma vyoshe vije vyavivi, vakavapangesa ku vutumbe vwavuvwa, omwo vanalikundika kuli Shukulu yavo kuvapangesa, co vanalivwaesela cimweja kuvapangesa ku vipangi vyavivwa.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Tito 3:1

Anukisa vanu vove vapwe vaka-kulikeesa kuli vaka-kushwana na vaje vali na moko yakushwana, ngeci vavononoke, nakulivwaesela mukulinga mwamuvwa mu vyuma vyoshe.

Tito 3:14

Vanu vetu vanapande kulilongesa kukala na simbu yakulinga vipangi vyavivwa, ngeci kesi vajeneke cuma cimo, co kuvapandele kuyoya mu vyuma vyangoco-ngoco.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.