Mateo 25:5 - Livulu lya Shukulu Kalunga

⁵ Omo vavenya vulo weshwalele, ngecivene, vaje vambanda vanengukile vaile mu tulo.

Mateo 25:5 Iomraidhean Croise

Myaso ya Solomoni 3:1

Ku vutsiki omo njalalele a vulili vwange, njalotele uje injazema! Njamushakezekele, oloni kunjamuwanene.

Myaso ya Solomoni 5:2

Yange njalalele, oloni njakele nakutona. Njalotele muka-cizemo cange alinakutota ku lipito ngwendi, “Njishokolweleko mwoni wange, wa cikongo cange ca mbunge, liyembe lyange. Mutwe wange unajulu na lime, na vin̄ambu vyange vinajulu na mbundu.”

Myaso ya Solomoni 5:3

Njashulula laja vuzalo vwange, omwo vikajo njizalela lalo? Njinajwele laja ku mendi ange, omwo vikajo kukela lizilo lalo?

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Mateo 24:48

Oloni nga ikeye napu ngamba wamuvi, endeka mu mbunge yendi ngwendi shukulu kaija vwasi,

Mateo 25:19

“Omo kwetile matangwa amangi, co uje shukulu ya vangamba vaje welukile, walavele amo navo vije vimbongo vyendi.

Mateo 25:4

Oloni vaje vakunyanyama vambatele mazi mu malulu amo na vindeya vyavo.

Mateo 25:6

“Oloni mukati ka vutsiki vazivile mutambi ngwavo, ‘Kengeni, vavenya vulo alinakwija, tuukeni mukamusheshe!’

Mateo 26:40

Asinoni Yesu welukile kuli vandongisi vendi vaje vatatu, co wavawanene vanalala tulo, wendekele kuli Petulu ngwendi, “Kuma kumwasa kukengelela amo nange, nameme simbu imolika?

Mateo 26:43

Co welukile lalo, wawanene vandongisi vendi vanalala tulo, omwo mesho avo alemene manene na tulo.

Luka 1:21

A simbu ije vene vanu vakele nakuvandamena Zakaliya, vakele nakulikomokela omwo weshwalele manene mu Njuvo ya Shukulu Kalunga.

Luka 12:45

Oloni nga ikeye napu ngamba wamuvi endeka mu mbunge yendi ngwendi shukulu kaija vwasi, co ashangumuka kupupanga vakwavo vangamba va vanalume na ava va vanakazi, co alya nakunwa nakupenda,

Luka 18:8

Njimileka ngwange, vwasi-vwasi avaakwila ngwe kukushaka kwavo. Oloni vati omo Muna Munu akaija ano asi, akawanao kukulaela ndi?”

Luka 20:9

Yesu watelelele vanu cisimo eci ngwendi, “Kwakele munalume umo wakele na citungu ca mikolovozi ya vushuka vwa vinyu, co wasezele cije citungu kuli vaka-kupanga, co waile vungenzi ku lifuti lyakulyala wakeshwaleleko simbu yakama.

Loma 13:11

Yeni munapande kulinga ngacije, omwo mwazivuka ngweni simbu inete ngeci mwinduke mu tulo. Omwo simbu yakutwamena ili kuyehi kutuvakana muje muyakele omo twakulaelele akulivanga.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

Kujombolola 2:25

Oloni munapande kukakateya mbe kuli vije mulinavyo noo njikaija.