Mateo 25:46 - Livulu lya Shukulu Kalunga

⁴⁶ Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Mateo 25:46 Iomraidhean Croise

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Mateo 13:43

Asinoni vaka-kujela va Njambi vakatwa ceke ngwe litangwa mu Vumwene vwa Ishavo. Uje woshe ali na matwi, azive!

Mateo 19:16

Munu umo wezile kuli Yesu, wamwihwile ngwendi, “Mulongisi, cuma mukajo cacivwa cinjinapande kulinga ngeci njitambule mwonyo wa myaka yoshe?”

Mateo 19:29

Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe.

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Mateo 25:45

Asinoni akavakumbulula ngwendi, ‘Mwa vushunga njimileka ngwange, omo kumwacilingile kuli umo wa ava vavandondo, kumwacilingile kuli yange.’

Luka 16:26

Co kuwezelela ku vyoshe evi, akati ketu nove ali cimbongo cakama, ngeci voshe vali kuno kuvasa kwija okwo kuli yove, nambe wakutunda okwo kuli yove kasa kwija kuno kuli yetu!’

Yowano 17:2

Omwo wamwanene moko yakushwana vanu voshe, ngeci aane mwonyo wa myaka yoshe kuli vaje voshe vawamwanene.

Yowano 3:36

Woshe akulaela kuli Mwana ali na mwonyo wa myaka yoshe, woshe avyana Mwana kakala na mwonyo, oloni vukalu vukala ali ikeye.

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

Yowano 5:29

co vakatuuka mu vimbumbo vyavo, vaje voshe valingile mwamuvwa vakasangukila ku mwonyo, co vaje valingile mwamuvi vakasangukila ku cihiso.

Yowano 6:27

Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

Yowano 6:40

Omwo eci cikeco cizango ca Tate ngeci voshe vaje vamona Mwana nakukulaela kuli ikeye vakale na mwonyo wa myaka yoshe. Co njikavasangwila ku mwonyo a litangwa lyakukotoka.”

Vilinga vya Miluwa 13:46

Oloni Paulu na Mbanambase vendekele nakusimpa ngwavo, “Cinapande ngeci lijwi lya Njambi valyendeke kuli yeni akulivanga. Oloni omwo mwalivyanene, co munaliyongola yeni vavenya ngweni kumwapandele kutambula mwonyo wa myaka yoshe, co tumiseza nakuya kuli vaje kesi vaYunda.

Vilinga vya Miluwa 13:48

Omo vaje kesi vaYunda vazivile eci, vavwaelelele nakushangazala lijwi lya Mwene, co vaje vavaangwililile ku mwonyo wa myaka yoshe vakulaelele.

Vilinga vya Miluwa 24:15

Njili na cinyangavili muli Njambi ngeci vakevo valinavyo vyuma evi, vikevyo evi, vanu voshe vavavwa na ava vavavi vakasanguka ku vatsi.

Loma 5:21

Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

Ngalatiya 6:8

Nga ukuna mu lihya lya cisemwa ca mashungu ove, ku cikeco ukakungulula na kuteja kutsa, nga ukuna mu lihya lya Munzinzime, ku Munzinzime ukakungulula na kuteja mwonyo wa myaka yoshe.

2 Tesalonika 1:9

Co vakayanda na n̄avava ya myaka yoshe, nakuvangununa ku mesho a Mwene na ku vumpau vwendi vwakama,

1 Yowano 2:25

Co eci cikeco watukulaesele Kilistu vavenya kutwanaco, cikeco mwonyo wa myaka yoshe.

Yunda 1:21

kaleni mu cizemo ca Njambi, omo muvandamena kwija kwa Mwene yetu Yesu Kilistu a mema ku mbunge endi mukumyana mwonyo wa myaka yoshe.

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”