Mateo 25:35 - Livulu lya Shukulu Kalunga

³⁵ Omwo njakele na njala, co mwanjilisile, njakele na lihwila, co mwanjinwisile, njapwile nji mungenzi, co mwanjitambwile,

Mateo 25:35 Iomraidhean Croise

1 Vimyene 17:11

Omo acili nakuya nakukashaka mema, co wamutambekelele lalo ngwendi, “Njineneleniko na makende lalo.”

Yombi 31:32

Njalanyele vangenzi kwija ku njuvo yange, co yange kunjavatavele ngeci valale mushandangala yangoco.

Visimo 14:21

Nga ushaka vivezikiso, kala na ngozi kuli muka-kuutwa, capwa vuvi kuyeluwisa vakweni.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 19:17

Uje akala na ngozi na tuutu alinakukumwisa Shukulu Kalunga, co Shukulu Kalunga akamwana cikandelela a vije vyanalingi.

Visimo 22:9

Munu muka-mema ku mbunge akavezika, omwo alinakwana vyakulya vyendi ku tuutu.

Visimo 25:21

Nga citozi cove ali na njala, mwane vyakulya alye, nambe nga ali na lihwila, mwane mema anwe.

Ezekiyele 18:16

nambe kuyandesa munu umo, nambe kwivila munu umo. Akelwisa vije vyaanene muka-kukumuna kupwa cishimbikiya. Akalisa vaka-njala nakwana vuzalo kuli vaka-vuzu.

Ezekiyele 18:7

Kesi kukwisa nambe kwivila munu umo embwe. Akelwisa vije vyakamwana muka-kukumuna kupwa cishimbikiya, muka-kulisa vaka-njala, nakwana vuzalo kuli vaje vali na vuzu.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Mateo 26:11

Omwo tuutu muli navo simbu yoshe, oloni yange kunjikakala neni simbu yoshe embwe.

Mako 14:7

Omwo tuutu muli navo simbu yoshe, co oshe amushakela mwasa kuvakwasa. Oloni yange kunjikakala neni simbu yoshe embwe.

Luka 11:41

Oloni aneni vili mu vinganja vyeni na mu malonga eni kuli tuutu, co vyuma vyoshe vikapwa vyakujela kuli yeni.

Yowano 13:29

Omo Yundasa wapwile muka-kunyunga cipau ca vimbongo, vamo vandongisi vayongwele ngwavo Yesu namuleka ngeci aye nakulanda vije vashakele vya ku ciwano, nambe amo namuleka ngeci aane vyuma vimo kuli vaka-kuutwa.

Vilinga vya Miluwa 10:31

co wendekele kuli yange ngwendi, ‘Konelyasi! Njambi nazivi kulombelo kwove, co nanuka vipangi vyove vyavivwa.

Vilinga vya Miluwa 11:29

Ngecivene, vandongisi vayongwele ngwavo umo na umo akati kavo akatume vukwasi ngwe mwanasela mukukwasa vakwavo vaka-kukulaela vaje vakele mu Yundeya.

Vilinga vya Miluwa 16:15

Co omo vamumbwitikile ikeye na vanu va mu njuvo yendi, co watulanyele ngwendi, “Ijeni mukakale mu njuvo yange nga mwayongola ngweni njinapu njimuka-kukulaela kuli Mwene.” Co watusindiiye ngeci tuye.

Vilinga vya Miluwa 4:32

Mbunga ya vaka-kukulaela vakele na mbunge imolika na viyongola vimolika, naumo wai watumbwile vyuma vyendi vije vyafukile kupwa vyendi, oloni valipangezelele vyoshe vyavo vije vivakele navyo.

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

Loma 12:20

Oloni, ngwe muvyendeka visoneka ngwavyo, “Nga muka-n̄ole yove ali na njala, mwane vyakulya, nga ali na lihwila, mwane mema anwe, omwo akulinga eci ulinakumulingisa ngeci azive shwamwa.”

Loma 16:23

Ngayase, muka-kunjijumbula, uje mu njuvo yendi cikungulukilo cikaliwanena, namitumu viindu vyendi, Elasitase muka-kutulika vimbongo vya mu nganda, na ndolome yetu Kwatase, vanatumu viindu vyavo kuli yeni.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

Filimoni 1:7

Cizemo cove, ndolome yange, cinanjinenela kuvwaelela kwakama nakunjitakamesa manene! Omwo yove unavwaelelesa vimbunge vya vanu va Njambi voshe.

VaHevelu 13:16

Kesi mwivale kulinga mwamuvwa nakulikwasa umo na mukwavo, omwo evi vikevyo n̄ombelo vivwaelelesa Njambi.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.