Mateo 25:33 - Livulu lya Shukulu Kalunga

³³ Co akaka vimanga ku livoko lyendi lya cilyo, oloni akaka vimembe ku livoko lyendi lyacimwoshwe.

Mateo 25:33 Iomraidhean Croise

1 Vimyene 2:19

Ngecivene, Mbateshemba waile kuli mwene nakwendeka vyakwimanena Andoniya. Co mwene wemanene nakukandelela vaina. Asinoni watumbamene mu litanda lyendi, vanenele litanda likwavo muje vatumbamene vaina ku livoko lyendi lya cilyo.

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 110:1

Shukulu Kalunga wendekele kuli shukulu yange ngwendi, “Tumbama ku livoko lyange lya cilyo, noo njifungulula vitozi vove.”

Myaso 45:9

Akati ka vanakazi va kasingimiko vali mu lipela lyove vanapu vana va vamwene, co ku litanda lya cilyo kunemana vamwene, nazala vyakuzala vya senga vya ngolinde yaivwa manene.

Myaso 79:13

Asinoni yetu vanu vove, vimanga va ku vutanga vwove, tukakukandelela ku myaka yoshe, nakukushangazala visimbu vyoshe.

Myaso 95:7

Ikeye napu Njambi yetu, netu tunapu vanu vendi vaje vakanyungu, tunapu vutanga vwendi vuje vwakalisa. Tolilileni ku lijwi lya Njambi lelo,

Muka-kwambulula 10:2

Mbunge ya munu muka-mana simbu yoshe ikamulingisa vyuma vyavivwa, oloni mbunge ya cilema ikamulingisa vyuma vyavivi.

Mako 16:19

Ngecivene, omo Mwene Yesu wamanesele kwendeka navo, co vamutwalele mwilu, co watumbamene ku livoko lya cilyo lya Njambi.

Efeso 1:20

ije wapangesele omo wasangwile Kilistu ku vatsi nakumutumbika ku livoko lyendi lya cilyo mu lifuti lya mwilu.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.