Mateo 25:20 - Livulu lya Shukulu Kalunga

²⁰ Co uje ngamba watambwile vimbongo vyakupwa 5,000 wezile, co waanene vimbongo vyeka lalo vyakupwa 5,000, wendekele ngwendi, ‘Shukulu, mwanjanene vimbongo vyakupwa 5,000. Kengeni! Njinawanao lalo vimbongo vyeka vyakupwa 5,000.’

Mateo 25:20 Iomraidhean Croise

Mateo 18:24

Omo washangumukile kulinga ngeci, umo uje watambwile likongo lya vimbongo vyakupwa 1,000,000 vamunenele kuli ikeye.

Luka 19:13

Omo kanda aye, co wasanene vangamba vendi likumi, co wavanene umo na umo mbongo ya ngolinde nakuvaleka ngwendi, ‘Moneni vika mukawanao a vyuma evi a simbu ije omo yange njinai.’

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

Kolose 1:29

Akupanga evi njiwundangana nakulwa nakupangesa nzili yoshe ije yalinakunjana Kilistu, co ilinakupanga muli yange.

Yakomba 2:18

Oloni umo endeka ngwendi, “Munu umo muka-kukulaela, mukwavo muka-vipangi.” Kukumbulula kwange kunapu oku, “Njileke vatijo munu asa kupwa muka-kukulaela kujeneka vipangi. Yange njikumwesa kukulaela kwange a vipangi vyange.”