Mateo 25:16 - Livulu lya Shukulu Kalunga

¹⁶ Uje ngamba watambwile vimbongo vyakupwa 5,000 waile nakukasekasana, wawaneneo lalo vimbongo vyakupwa 5,000.

Mateo 25:16 Iomraidhean Croise

1 Mizimbu 28:2

Mwene Ndaviti wemanene kulutwe lwavo, wendekele kuli vakevo ngwendi, “Vavushoko vwange, njitolilileni mwamuvwa. Njashakele kutungila Cikasa ca Cikumiiyo njuvo yakukola ije inapu litanda lya Shukulu Kalunga Njambi yetu. Njalivwaeselele cimweja vyakutungisa Njuvo ya Shukulu Kalunga mukumusingimika,

Isaya 23:18

Vimbongo vyakawana akulandulula vakavikundika kuli Shukulu Kalunga. Kuvakavitulikila mu nganda embwe, oloni vaje vaka-kulemesa Shukulu Kalunga vakapangesa vimbongo evi mukulanda vyakulya na vuzalo.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Mateo 18:24

Omo washangumukile kulinga ngeci, umo uje watambwile likongo lya vimbongo vyakupwa 1,000,000 vamunenele kuli ikeye.

Mateo 25:17

Mu ngila imo lalo ngamba uje watambwile vimbongo vyakupwa 2,000 waile nakukasekasana, co wawaneneo lalo vimbongo vyakupwa 2,000.

Luka 19:13

Omo kanda aye, co wasanene vangamba vendi likumi, co wavanene umo na umo mbongo ya ngolinde nakuvaleka ngwendi, ‘Moneni vika mukawanao a vyuma evi a simbu ije omo yange njinai.’

Vilinga vya Miluwa 13:36

“Omwo Ndaviti wapangele cizango ca Njambi a simbu yendi vavenya, co watsile, co vamutsindile na vakukulwila vendi, co muvila wendi wavolelele mu mbumbo.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

2 Timateo 2:6

Na ndimi lalo uje naundangana manene mu vipangi napande kuteja vimbuto vyavivwa vyakulivanga