Mateo 25:1 - Livulu lya Shukulu Kalunga

¹ “Asinoni Vumwene vwa mwilu vukafwa ngwe vambanda likumi, vaje vambatele mazi mu vindeya vyavo vaile nakushesha vavenya vulo.

Mateo 25:1 Iomraidhean Croise

Myaso 45:14

Vakavatwala kuli mwene oku vanazala cikoveyo cakushoveya cacilaja mavoko, co tushambeyeyo twavo va vanakazi vakavasindikiya, na vakevo lalo vakavanena kuli yove.

Myaso ya Solomoni 1:3

Mazi ove akuvwava anika lwengo lwaluvwa, lizina lyove linapu ngwe mazi akunika lwengo lwaluvwa. Mukemwo vambanda vakuzema.

Myaso ya Solomoni 5:16

Kwendeka kwendi kwakuvwa manene, co ikeye napu wamuvwa mu vyuma vyoshe. Yeni vanakazi va mu Yelusalema, ou ikeye muka-cizemo cange, ikeye musamba wange.

Myaso ya Solomoni 5:8

Yeni vanakazi va mu Yelusalema, njikulaeseni ngeci nga muwana muka-cizemo cange, mulekeni ngweni njinazeye na lishungu.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Mateo 13:24

Yesu wavatelele cisimo cikwavo lalo ngwendi, “Vumwene vwa mwilu vunalifu ngwe munu umo wakuvile vimbuto vyavivwa mu lihya lyendi.

Mateo 13:31

Yesu wavatelelele cisimo cikwavo lalo ngwendi, “Vumwene vwa mwilu vunalifu ngwe munu anona kanona kamo ka mbuto ya musalata nakukakuna mu lihya lyendi.

Mateo 13:38

Lihya linapu kaye, co vije vimbuto vyavivwa vinapu vanu va Vumwene vwa Njambi, shaku inapu vanu va Muka-vuvi,

Mateo 13:47

“Vumwene vwa mwilu lalo vunalifu ngwe linimbwa lije livata mu lishali, co vakwatao visi va miyati yoshe.

Mateo 20:1

“Omwo vumwene vwa mwilu vunalifu ngwe vavenya lihya lya mikolovozi ya vushuka vwa vinyu uje watuukile mutondo-tondo waile nakulanya vaka-vipangi ngeci vakapange mu lihya lya mikolovozi ya vushuka vwa vinyu lyendi.

Mateo 22:2

“Vumwene vwa mwilu vunalifu ngwe mwene walingile ciwano ca vulo vwa munendi wa munalume.

Mateo 25:7

Asinoni vaje vambanda voshe vendukile nakushwameka vindeya vyavo.

Mateo 3:2

“Tengulukeni ku vivi vyeni, omwo Vumwene vwa mwilu vuli muyehi!”

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Mateo 9:15

Yesu wavakumbulwile ngwendi, “Kuma yeni mukengelela vangenzi ku ciwano ca vulo ngeci vaye na njala ndi? Mwa vushunga vene embwe! Omo vavenya vulo acili navo kuvapandele kulinga ngacije. Oloni litangwa likaija omo vakatundisa vavenya vulo akati kavo, asinoni vakalikela kulya.

Yowano 18:3

Ngecivene, Yundasa waile ku citungu cije, waile amo na mashwalale va vaLoma na vamo vaka-kunyunga Njuvo ya Shukulu Kalunga vaje vavatumine kuli vakulunu va vaka-kukombelela amo na vaFaliseo, vakele na vitwa vezile na vindeya na mitetango ya tuhya.

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

Vilinga vya Miluwa 20:8

Co mu mulili wa akamwa ya njuvo muje valingilile cikungulukilo mwakele vindeya vyavingi.

1 Kolinte 11:2

Njimishangazala omwo simbu yoshe mukanjanuka nakukava vilongesa vinjamilongesele.

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.

Kujombolola 19:7

Tujoleleni nakuvwaelela, tushangazaleni vukama vwendi! Omwo simbu inete ya vulo vwa Muna Manga, co shombolwa yendi nalivwaesa laja.

Kujombolola 21:2

Co njamwene Nganda Yakujela, Yelusalema yaiha, ilinakwija kutunda mwilu kuli Njambi, ije inalivwaesela cimweja ngwe shombolwa omwo eta kuli munalume wendi.

Kujombolola 21:9

Co kangelo umo wa vaje vatanu na vavali vaje vakele na malonga atanu na avali akushula na tuyando tutanu na tuvali twakumanesela wezile kuli yange wendekele ngwendi, “Ija kuno, co njikakumwesa Shombolwa, munakazi wa Muna Manga.”

Kujombolola 4:5

Co ku litanda lije kwatundile vyeke vya muhyato, na cililimo nakuluma kwakushwakumo. Co vyeke vya mitetango itanu na ivali vyakele nakushukuma kulutwe lwa litanda, eyi inapu minzinzime itanu na ivali ya Njambi.

Kujombolola 8:10

Asinoni kangelo wamucitatu wembile lupembo lwendi. Co ngongonosi yakama, yakele nakwenya ngwe mutetango, yawile kutunda kwilu nakuwila a litambelo lyamucitatu lya vindonga na a masima a tuvwelu-vwelu.