Mateo 24:8 - Livulu lya Shukulu Kalunga

⁸ Vyuma vyoshe evi vinapu ngwe kushangumuka kwa mushongo wakukita mwana.

Mateo 24:8 Iomraidhean Croise

Isaya 10:4

Vakamitsiila mu nzita, nambe kumikokangeya ngwe vinzinda. Oloni nameme ngoco vukalu vwa Shukulu Kalunga kuvukahu, anga akolola livoko lyendi mukuhisa.

Isaya 9:12

Lifuti lya Silya mu ngangela na lifuti lya Filisitiya mu kangombe ka yambi, vaneshama tunwa twavo ngeci vamine Isalele. Nameme ngoco vukalu vwa Shukulu Kalunga kuvwahwililileo embwe, oloni anga nolola livoko lyendi mukuhisa.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Isaya 9:21

Vanu va Manase na vanu va Efalime valinakulilwisa vakevo vavenya, co vatenguluka nakulwisa Yunda. Oloni nameme ngoco, vukalu vwa Shukulu Kalunga kuvukahu, anga nolola livoko lyendi mukuhisa.

Hoziya 13:13

Co Isalele ali na simbu yakuyoya, oloni akuyimona cinapu ca vulema manene, cinapu ngwe mbututu uje ali muyehi nakusemuka, oloni kashaka kutunda mwimo!

Mako 13:8

Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala mandunduma ku mitambela yakuliseza-seza na njala ya lyangengela. Evi vinapu ngwe kushangumuka kwa mushongo wakukita mwana.

Luka 21:12

Omo simbu kanda vyuma evi visholoke, vakamikwata nakumiyandesa, vakamitwala ku masinangonge avo nakukamisompa nakumyaka mu tumenga, co vakamitwala kuli vimyene na kuli vaka-kushwana omwo lizina lyange.

Kwituluka mu Mashiko 28:59

co akatuma kuli yeni na kuli vatekulwila veni mishongo yakujeneka kusaka, na mishongo yakukomokesa ije naumo wai akasa kuyivindika.

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

Yakomba 5:1

Co yeni vanu vaka-kufuka, tolilileni kuli yange! Lileni nakumbolozoka a n̄avava ije ilinakwija ali yeni!