Mateo 24:7 - Livulu lya Shukulu Kalunga

⁷ Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala njala ya lyangengela, na mandunduma ku mitambela yakuliseza-seza.

Mateo 24:7 Iomraidhean Croise

2 Mizimbu 15:6

Muyati umo wakele nakuyandesa muyati ukwavo, co nganda imo yakele nakuyandesa nganda ikwavo, omwo Njambi wakele nakunena tuyando na lyova ali vakevo.

Isaya 19:2

Shukulu Kalunga endeka ngwendi, “Njikashangumuna nzita mu Ingito, co vakalitengulukile nakulilwisa ndolome na ndolome, mundambo na mundambo. Nganda na nganda ikalilwisa imo na ikwavo, co vumwene vukalilwisa na vukwavo.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 21:27

Kunyongesa, kunyongesa! Eyo, njikanyongesa eyi nganda. Oloni kucikalingiwa kuvanga naija uje injinaangula kuhisa nganda. Asinoni njikamwanayo.

Zakaliya 14:13

A simbu ije Shukulu Kalunga akavaiya-yiisa na lyova ngeci munu na munu akakwata munu uje yakalyata nendi nakumulwisa.

Luka 21:11

Kukakala mandunduma akama, na njala ya lyangengela, na mishongo yakulitambwisa kwoshe-ikwoshe, kukakala vyuma vyakujujwisa nakukomokesa vikatunda mwilu.

Vilinga vya Miluwa 11:28

Umo wavo lizina lyendi Angambase wemanene na nzili ya Munzinzime wambulwile vuka-kwimanena ngwendi njala ya lyangengela ilinakwija ano asi oshe. (Co eci calingiwile omo Kalaundyase wapwile nguvulu.)

Vilinga vya Miluwa 2:19

Co njikalinga vikomokeso mwilu na vizivukiso ano asi. Kukakala kwitila maninga, tuhya, na vwisi vwakama,

VaHevelu 12:27

Lijwi eli, “lalo” litumwesa mwamuvwa ngeci vyuma vyakutanga vakavijajesa nakuvishandola, ngeci vyuma vije kuvikajaja vikevyo vikasalao.

Kujombolola 6:12

Co njamwene Muna Manga avatula kasateso kamucitanu na kamo. Co kenga, kwakele mandunduma akama manene, litangwa lyazivalele ngwe cikeleya cakuzivala na ngonde yemukile lalo yakuvenga ngwe maninga.

Kujombolola 6:5

Asinoni Muna Manga wavatwile lalo kasateso kamucitatu, co njazivile cikashama wakuyoya wamucitatu endeka ngwendi, “Ija!” Njakengele, co kuje kwakele kavalu wakuzivala. Uje walondeleo wakwatele cipeseleso mu livoko lyendi.

Kujombolola 6:6

Co njazivile lijwi litunda mukati ka vaje vikashama vawana vakuyoya ngwalyo, “Lita ya tiliku inapu ngwe fweto ya litangwa lyoshe lyamutunu, co lalo malita atatu a mbale ya maumwa anapu fweto ya litangwa lyoshe lyamutunu. Oloni kesi uviise mazi a olive na mikolovozi ya vushuka vya vinyu!”

Kujombolola 6:8

Njakengele, co kwasholokele kavalu wakutokoloka. Uje walondeleo vamulukile lizina ngwavo Kutsa, co Vukalo vwa Vatsi vwamukavele kuyehi munima. Vavaanene nzili akamwa ya mutambela umo wa mitambela iwana ya ano asi, ngeci vatsiye na moko ya mukwale na njala ya lyangengela na mishongo na vikashama.