Mateo 24:48 - Livulu lya Shukulu Kalunga

⁴⁸ Oloni nga ikeye napu ngamba wamuvi, endeka mu mbunge yendi ngwendi shukulu kaija vwasi,

Mateo 24:48 Iomraidhean Croise

2 Vimyene 5:26

Oloni Elisha wendekele ngwendi, “Njinakele nove mu munzinzime omo Namane washulukile mu litemba lyendi nakwendeka nove. Ngehazi, kuwesi na moko yakutambula vimbongo nambe vuzalo, na mahya a miti ya olive, nambe mikolovozi ya vushuka vwa vinyu, nambe vimanga, nambe vingombe, nambe vangamba embwe!

Muka-kwambulula 8:11

Omwo vikajo vanu vakalingi milonga yaingi? Omwo kuvesi kuhisa milonga vwasi.

Isaya 32:6

Cilema akendeka vya vulema lika, nakuyongola kulinga vyuma vyavivi. Vije vyakalingi na vije endeka vinapu vyakushaula Shukulu Kalunga, co kesi kulisa muka-njala nambe kwana mema kuli vaje vali na lihwila.

Ezekiyele 12:22

“Muna munu, omwo vikajo vanu va Isalele valinakwilukila-ilukila cisimo eci ngwavo, ‘Simbu ilinakuya, co vuka-kwimanena vunapu vwangoco!’

Ezekiyele 12:27

“Muna munu, vaIsalele valinakuyongola ngeci vimona vyove na vuka-kwimanena vwove vinapu vya kulutwe manene.

Mateo 18:32

Ngecivene, uje mwene wasanene uje ngamba ngeci aije, co wendekele kuli ikeye ngwendi, ‘Yove u ngamba wamuvi! Yange njakusambesele likongo lyove lyoshe liwatambwile kuli yange, omwo yove wanjilombele kukusambesa.

Mateo 24:47

Mwa vushunga njimileka ngwange, shukulu yendi akamwana moko yakumunyungila vyuma vyendi vyoshe.

Mateo 24:49

co ashangumuka kupupanga vakwavo vangamba, co alya nakunwa amo na vaka-kupenda.

Mateo 25:26

Oloni shukulu yendi wamukumbulwile ngwendi, ‘Ove ngamba wamuvi wa vulwa! Wanjizivukile ngwove yange njikateje kuje kunjakuvile, nakukungulula kuje kunjashandwelele?

Mako 7:21

Omwo mukati, mu mbunge ya munu, mukemwo mukatundu viyongola vyavivi vije vimutwamenena ku vyuma vya vuvi, kwiva, kutsiya,

Luka 12:45

Oloni nga ikeye napu ngamba wamuvi endeka mu mbunge yendi ngwendi shukulu kaija vwasi, co ashangumuka kupupanga vakwavo vangamba va vanalume na ava va vanakazi, co alya nakunwa nakupenda,

Luka 19:22

Co Shukulu yendi wamulekele ngwendi, ‘Ove ngamba wamuvi! Njikakuhisa na majwi akutunda mu kanwa kove! Ngwange wanjizivukile ngwove yange nji munu wa mukalu, njikanono cije kesi cange, nakuteja cije kunjakuvile.

Yowano 13:2

Co Yesu na vandongisi vendi vakele kukulya kwa cingwezi. Omo Liyavola te naaka laja muli Yundasa, muna Simoni Isikalyote, viyongola vyakwenda Yesu vungungu.

Vilinga vya Miluwa 5:3

Oloni Petulu wendekele kuli ikeye ngwendi, “Ananiya, omwo vika unatava Satana akovele mu mbunge yove nakwendeka makuli kuli Munzinzime Wakujela akushweka litambelo limo lya vimbongo viwunatambula akulandesa vufuko vwove?

Vilinga vya Miluwa 8:22

Ngecivene, tenguluka utunde ku viyongola vyove vyavivi, co lomba kuli Mwene ngeci akusambese ku viyongola vyove ngwe evi.

Kwituluka mu Mashiko 15:9

Kesi mukavyane kumukumwisa cuma cimo embwe, omwo mwaka wakumanesa makongo uli muyehi, kesi mukatave viyongola vyavivi vikakovele mu vimbunge vyeni. Nga mukavyana kumwana likongo, co akatambeka kuli Shukulu Kalunga omwo yeni, co mukakala na mulonga.

Kwituluka mu Mashiko 9:4

“Omo Shukulu Kalunga Njambi yeni navashekemo, kesi mukendeke mu vimbunge vyeni ngweni, ‘Omwo akushungama kwetu mukemwo Shukulu Kalunga natunene mu lifuti eli nakulishwana.’ Shukulu Kalunga alinakumishekela vanu ava omwo ya vuvi vwavo.