Mateo 24:42 - Livulu lya Shukulu Kalunga

⁴² “Ngecivene, nyanyameni omwo kumuzivuka simbu ije yakaija Mwene yeni.

Mateo 24:42 Iomraidhean Croise

Mateo 24:36

“Oloni litangwa lije, nambe simbu ije, naumo wai avizivuka, nambe tungelo va mwilu, nambe Mwana, oloni Ishe lika ikeye azivuka.

Mateo 24:43

Oloni zivukeni ngweni, nga vavenya njuvo nazivukile simbu yakaija mwizi, nga natumbamene nakutona ngeci mwizi kesi atuve njuvo yendi.

Mateo 24:44

Ngecivene, neni livwaeseleni cimweja, omwo Muna Munu aija a simbu ije vene kumwayongwele ngweni aija.

Mateo 25:10

Co omo vambanda vakweva vaile nakulanda mazi, co vavenya vulo wetele, na vaje vambanda vatanu valivwaeselele cimweja vakovelele amo nendi ku ciwano ca vushombolwa, co vashokele lipito.

Mateo 25:13

Co Yesu wamanesele kwendeka ngwendi, “Nyanyameni omwo kumuzivuka litangwa nambe simbu.

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Loma 13:11

Yeni munapande kulinga ngacije, omwo mwazivuka ngweni simbu inete ngeci mwinduke mu tulo. Omwo simbu yakutwamena ili kuyehi kutuvakana muje muyakele omo twakulaelele akulivanga.

1 Kolinte 16:13

Kengeleleni, imaneni mbe mukukulaela, pweni vaka-kusimpa, pweni vaka-nzili.

1 Tesalonika 5:6

Ngecivene, kutwapandele kulala tulo ngwe veka, tunapande kutona nakulikongomeka.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

Kujombolola 16:15

“Tolilileni! Njilinakwija ngwe mwizi! Navezika uje atumbama nakukengelela nakunyunga vuzalo vwendi, ngeci kesi ende mushelengwa nakuziva shwamwa ku mesho a vanu!”