Mateo 24:35 - Livulu lya Shukulu Kalunga

³⁵ Lilu na asi vikaita, oloni majwi ange kuwakaiti embwe.

Mateo 24:35 Iomraidhean Croise

Myaso 102:26

Vyoshe evi vikahwa, oloni yove kuuli, vikevyo lalo vikakula ngwe vuzalo. Yove ukavitengulula ngwe muukatengulula vuzalo, co vyoshe vikanyonga.

Myaso 119:89

Lijwi lyove likakala ku myaka yoshe yove Shukulu Kalunga, likelyo lyakola mbe mwilu ya melu.

Myaso 19:7

Mashiko a Shukulu Kalunga apwa akulumbunuka, akewo akolesa mwonyo. Mashiko a Shukulu Kalunga apwa amavwa kuwakulaela, aana mana kuli vaje vanawajeneka.

Myaso 89:34

Kunjikapokola cikumiiyo cange kuli ikeye embwe, nambe kutengulula vije vinjinendeka.

Visimo 30:5

“Vyoshe vije vyendeka Njambi vyapwa vya vushunga, wapwa ntelo ya vaje voshe vatewela kuli ikeye.

Isaya 34:4

Litangwa, na ngonde, na vingongonosi vikanyongolokota. Lilu vakalizenga ngwe livulu, co vingongonosi vikawa ngwe maputa atotomoka ku mukolovozi wa vushuka vwa vinyu nambe ku muti wa mukuyu.

Isaya 40:8

Eyo, mwila ujujwama, na vishani vyuma, oloni lijwi lya Njambi yetu likakala simbu yoshe.”

Isaya 51:6

Kengeni kwilu, co kengeni lalo asi, lilu likahwa vwasi ngwe vwisi, na lifuti likasanyozoka ngwe vuzalo vwalaja, co vanu vamwo voshe vakatsa ngwe vinzinzi. Oloni kwamena kwange kukapwa kwa myaka yoshe, kuhyana kwange kukapwa kwa myaka yoshe.

Isaya 54:10

Minkinda na malundu vikazimangana, oloni cizemo cange ali yeni kucikahu, njikanyunga cikumiiyo cange cakumyana kwoloka ku myaka yoshe.” Ngwendi Shukulu Kalunga uje wakuzema.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Ndanyele 4:28

Vyuma vyoshe evi vyalingiwile kuli Mwene Nevukaneza.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Mateo 5:18

Mwa vushunga njimileka ngwange, kuvanga lilu na asi vineti, oloni ku majwi a Lishiko kukukatundu kalilaka kamo, nambe kakandondo, kuvanga vyoshe vanavishulisa.

Mako 13:31

Lilu na asi vikaita, oloni majwi ange kuwakaiti embwe.

Luka 21:33

Lilu na asi vikaita, oloni majwi ange kuwakaiti.

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

1 Petulu 1:25

Oloni lijwi lya Mwene lyakala myaka yoshe.” Lijwi eli likelyo Vin̄anda Vyavivwa vije vivambulwile kuli yeni.

Kujombolola 20:11

Co njamwene litanda lyakama lyakutoka na uje watumbameneo. Kaye na lilu vyatewele ku mesho endi, co kuvavimwene lalo.

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.

Kujombolola 6:14

Lilu lyatundile ngwe livulu lyakuzenga valinakulizengela amo, co minkinda yoshe na man̄anda oshe atundile ku mitambela yawo.