Mateo 24:29 - Livulu lya Shukulu Kalunga

²⁹ “Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Mateo 24:29 Iomraidhean Croise

Muka-kwambulula 12:2

Simbu kanda litangwa na ngonde, na vingongonosi vitsitsivale na mashelwa a nyonzi kuwaketi.

Isaya 13:10

Vingongonosi na mulalavizi wavyo kuvikatu ceke, litangwa likatsitsivala omo lituuka, co ngonde lalo kuyikatu ceke.

Isaya 24:23

Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Isaya 34:4

Litangwa, na ngonde, na vingongonosi vikanyongolokota. Lilu vakalizenga ngwe livulu, co vingongonosi vikawa ngwe maputa atotomoka ku mukolovozi wa vushuka vwa vinyu nambe ku muti wa mukuyu.

Njwele 2:10

Asi oshe aninganga omo valinakwija, co lilu lijaja. Litangwa na ngonde vizivala vwii, na vingongonosi kuvitu ceke.

Njwele 3:15

Litangwa na ngonde vikazivala, co vingongonosi kuvikatu ceke lalo.

Amose 5:20

Litangwa lya Shukulu Kalunga likanena lisusulungu, kesi ceke embwe, likapwa litangwa lya lisusulungu vwii, kulikatu ceke.

Amose 8:9

Simbu ikaija omo litangwa likazivala akati ka mutwe, co njikatengulula mutanya kuupwisa lisusulungu. Yange Kalunga wa Akamwa ya Vyoshe, njinendekamo.

Mateo 24:21

Omwo a matangwa aje kukakala n̄avava ije kanda vaimoneo laja tunde akutanga kwa kaye kweta nalelo lino. Nambe kulutwe kuyikakalako lalo.

Mateo 24:8

Vyuma vyoshe evi vinapu ngwe kushangumuka kwa mushongo wakukita mwana.

2 Petulu 3:10

Oloni Litangwa lya Mwene likaija ngwe mwizi. A Litangwa lije kaye kakanyongolokota na cililimo cakama, co vyuma vya mwilu vikenya njwa nakunyonga, co kaye na vyuma vyoshe viliho vikanyongolokota.

Kujombolola 8:12

Asinoni kangelo wamuciwana wembile lupembo lwendi. Co litambelo lyamucitatu lya litangwa valipupile na litambelo lyamucitatu lya ngonde na litambelo lyamucitatu lya vingongonosi, ngeci ceke cavyo cizimbalese litambelo lyamucitatu lyakuvyazima kwaco, co kukwakele ceke a simbu ya litambelo lyamucitatu lya mutanya na litambelo lyamucitatu lya vutsiki.