Mateo 24:24 - Livulu lya Shukulu Kalunga

²⁴ Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Mateo 24:24 Iomraidhean Croise

Isaya 9:15

Vakulunu na vanalume va kasingimiko vanapu mutwe, co vaka-kwimanena va vilongesa vya makuli vanapu mukila!

Mateo 22:14

Co Yesu wamanesele kwendeka ngwendi, “Vavangi vanavalanya, oloni vavandondo lika vavanaangula.”

Mateo 24:11

Co vaka-kwimanena va makuli vavangi vakasholoka, co vakatangula vanu vavangi.

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Mateo 24:25

Tolilileni! Njinamilekela cimweja omo simbu kanda yete.

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Mateo 24:5

Omwo vanu vavangi vakaija mu lizina lyange vakendeka ngwavo, ‘Yange vene Wakuvwavesa!’ Co vakatangula vavangi.

Mateo 7:15

“Nyanyameni na vaka-kwimanena va makuli, vaje vaija kuli yeni vanalikongomeka ngwe vimanga, oloni mu vimbunge vyavo vanapu ngwe tungunga vavukalu.

Mako 13:22

Omwo kukasholoka vaKuvwavesa va makuli na vaka-kwimanena va makuli vakamwesa vizivukiso na vikomokeso vyakama, vakatangule nga citava nameme vaje vavaangwile kuli Njambi.

Luka 18:7

Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

Yowano 4:48

Yesu wendekele kuli ikeye ngwendi, “Naumo wai akati keni akakulaela kuvanga amone vizivukiso na vikomokeso.”

Yowano 6:37

Woshe uje yananjana Tate aija kuli yange. Co woshe uje aija kuli yange kunjikamusheke,

Yowano 6:39

Co cizango ca uje wanjitumine cinapu kunyunga voshe vaje vananjana ngeci voshe njikavasangwile ku mwonyo a litangwa lyakukotoka.

Vilinga vya Miluwa 20:16

Paulu wayongwele kutuvakana ku Efeso ngeci kesi ombile simbu mu lifuti lya Asiya. Wakele mu vwasi vwakweta mu Yelusalema nga citava a litangwa lya Pentekosita.

Loma 12:18

Lingeni vyuma vyoshe ngwe mumunasela nakuyoya mu kwoloka kuli munu na munu.

Ngalatiya 4:15

Mwavwaelelele manene! Vikajo vinalingiwa? Yange njasa kwendeka ngwange nga mwasele, nga mwacakuvwile mesho eni, nakunjanawo.

Kwituluka mu Mashiko 13:1

“Nga akati keni akasholoka muka-kwimanena, nambe muka-kunungulula vinjozi akamikulaesa vizivukiso nambe vikomokeso,

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

1 Petulu 1:5

Vinapu vyeni, akukulaela vanaminyungilavyo mwamuvwa na nzili ya Njambi yakwovoka ije inalivwaesela kusholoka a simbu yakukotoka.

2 Petulu 3:17

Oloni yeni, vasamba vange, mwavizivuka laja evi. Ngecivene, nyanyameni kutewa musevuka, co vanu vakujeneka mashiko vakamyungumuna, co mukawa kukukolesa kweni.

1 Yowano 2:18

Vana vange vavandondo, eyi ikeyo simbu yakukotoka! Ngwe muvamilekele ngwavo Citozi ca Kilistu alinakwija, co ololo vitozi vavangi va Kilistu vanasholoka laja, co twazivuka ngwetu simbu yakukotoka ilimuyehi.

1 Yowano 2:22

Ngecivene, iyajo muka-makuli? Vaje vendeka ngwavo Yesu kesi ikeye Wakuvwavesa. Vanu ava vakevo vanapu Vitozi va Kilistu, valinakuvyana voshe vavali Ishe na Mwana.

1 Yowano 5:18

Twazivuka ngwetu kukwesi vana va Njambi eshwala kulinga vuvi, omwo Muna Njambi alinakuvanyunga mwamuvwa, co Uje Liyavola kasa kuvavulumuna.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.