Mateo 24:21 - Livulu lya Shukulu Kalunga

²¹ Omwo a matangwa aje kukakala n̄avava ije kanda vaimoneo laja tunde akutanga kwa kaye kweta nalelo lino. Nambe kulutwe kuyikakalako lalo.

Mateo 24:21 Iomraidhean Croise

Ezekiyele 5:9

Omwo a vyuma vyoshe vije viwulinakulinga vije vinjazinda, njikahisa Yelusalema, oloni nalumo lwai njalingilemo simbu ya kunima, co lalo nalumo lwai njikalingamo simbu ya kulutwe.

Ndanyele 12:1

Kangelo uje wazalele vuzalo vwa linyu wendekele ngwendi, “A simbu ije kangelo Mingeli, uje muka-kunyunga vanu vove akasholoka. Asinoni kukakala simbu ya tuyando, tuyando twakama manene tuje kutwakeleko tunde aje vatangelele kaye. Omo simbu ije iketa, vanu voshe va ku muyati wove vaje mazina avo vanawasoneka mu livulu lya Njambi vakovoka.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Njwele 1:2

Tolilileni, yeni vakulunu, munu woshe ali mu Yunda, atolilile. Kuma cuma cimo cakufwa ngwe eci calingiwile a simbu yeni nambe a simbu ya vakukulwila veni ndi?

Njwele 2:2

Likelyo likapwa litangwa lya lisusulungu, litangwa lya mashelwa akuzivala vwii. Vinjame vyakama vya vimbimba mikumbi vikafwika akamwa ya minkinda ngwe lisusulungu. Kukwakele cuma cimo cakufwa ngwe eci, co kukukakala lalo cuma cakufwa ngwe eci.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 24:20

Lombeleni kuli Njambi ngeci kesi mukatewe a simbu ya cisika, nambe a Litangwa Lyakuhwima!

Mateo 24:29

“Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Mako 13:9

“Oloni munapande kunyanyama. Omo vakamikwata nakumitwala ku vimbanja nakumisompa. Co vakamipupa mu masinangonge avo, co vakamimika ku mesho a vaka-kushwana na kuli vimyene omwo lizina lyange, mukavaleke Vin̄anda Vyavivwa.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

1 Tesalonika 2:16

Vesekele kutuvindika kwambulula lijwi kuli vaje kesi vaYunda ngeci na vakevo vatambule kwovoka. Mu ngila eyi vene vakevo vanashulisa vene seteko ya vivi vije vivalingile simbu yoshe. Co ololo vukalu vwa Njambi akukotoka vunaija ali vakevo!

Kujombolola 16:18

Co kwakele mihyato na cililimo na mikalateto na mandunduma akama a kaye. Kukwakele mandunduma akama ngwe awa anga vatangelele munu ano asi, awa akewo apwile mandunduma akama manene kutuvakana oshe!

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.