Mateo 24:15 - Livulu lya Shukulu Kalunga

¹⁵ “Ngecivene, mukamona Cimweso ca Vunyengwe cije cendekele Ndanyele cinemana mu mwela wakujela.” (Yove ulinakulava zivisisa muvinalumbunukila!)

Mateo 24:15 Iomraidhean Croise

Njelemiya 44:29

Yange Kalunga, njikamyana cizivukiso ngeci njikamiilwisila mu mwela uno, co cikulaeso cange cakunena vukalu ali yeni cikapwa ca vushunga.

Ezekiyele 40:4

Co wendekele kuli yange ngwendi, “Muna munu, kengelela. Tolilila mwamuvwa, aka mbunge ku vyuma vyoshe vije vinjikumwesa, omwo evi vikevyo vivanakunenela kuno. Yove ukaleke vanu va Isalele vyuma vyoshe umona.”

Ndanyele 1:6

Co akati ka vakwenje vaje vavaangwile akele Ndanyele, na Hananiya, na Mishaele, na Azaliya, voshe vapwile va ku muyati wa Yunda.

Ndanyele 11:31

Mashwalale vendi vamo vakajwalesa Njuvo ya Shukulu Kalunga. Vakavindika kukombelela kwa a litangwa na litangwa, co vakemika Cimweso ca Vunyengwe.

Ndanyele 12:11

“Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe, kukaita matangwa akupwa 1,290.

Ndanyele 9:23

Omo washangumukile kulambelela kuli Njambi, ikeye wakukumbulwile. Ikeye wakuzema, ngeci njinaija mukukuleka mucinalumbunukila cihula cove. Ololo tolilila mwamuvwa omo njikulumbunwina cimona eci.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Ndanyele 9:27

Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”

Mateo 24:16

“Asinoni vaje vali mu Yundeya vakatewele ku malundu.

Mako 13:14

“Oloni mukamona cimweso ca Vunyengwe cinemana kuje kucapandele kukala.” (Yove ulinakulava zivisisa muvinalumbunukila!) “Asinoni vaje vali mu Yundeya vakatewele ku malundu.

Luka 19:43

Simbu ikaija omo vitozi vove vakakuzengeleka mu cimpaka, nakukwaka mukati kavo, nakukushetwila mukati ku mitambela yoshe noku-noku.

Luka 21:20

“Omo mukamona Yelusalema vanaizengeleka ku mbunga ya mashwalale, zivukeni ngweni kunyonga kwayo kuli muyehi.

Yowano 11:48

Nga tumwecelela ngoco, voshe vakamukulaela, co vakulunu va vaLoma vakanyongesa Njuvo yetu ya Shukulu Kalunga na muyati wetu woshe!”

Vilinga vya Miluwa 21:28

Co vatambekele ngwavo, “Eni vanalume va Isalele! Tukwaseniko! Ou ikeye munalume uje akai kwoshe-ikwoshe nakulongesa vanu voshe kulwisa vanu va Isalele na Lishiko lya Mosesa naino Njuvo ya Shukulu Kalunga. Co lalo ololo nanena vamo vaje kesi vaYunda muno mu Njuvo ya Shukulu Kalunga nakujwalesa ou mwela wakujela!”

Vilinga vya Miluwa 6:13

Asinoni vanenele vanalume vamo vamuvangelele ngwavo, “Ou munalume simbu yoshe alinakuyeluwisa Njuvo ya Shukulu Kalunga yakujela na Lishiko lya Mosesa.

VaHevelu 2:1

Ngecivene, twapande kukakateya mbe ku vushunga vutunazivi, kutewa tukongumuka nakutunda ku vyuma evi.

Kujombolola 1:3

Kuvwaelela kuli uje alinakulava eli livulu, co lalo kuvwaelela kuli vaje vatolilila ku majwi a muzimbu wa vuka-kwimanena nakwononoka vije vivanasoneka mu livulu eli! Omwo simbu ili muyehi omo vyoshe evi vikalingiwa.

Kujombolola 3:22

“Nga uli na matwi, tolilila vije vyalinakwendeka Munzinzime ku vikungulukilo!”