Mateo 24:14 - Livulu lya Shukulu Kalunga

¹⁴ Co evi Vin̄anda Vyavivwa vya Vumwene vakavyambulula mu kaye mwoshe ngwe kupwa vukaleo ku miyati yoshe, co asinoni kukotoka kwa kaye kukaija.

Mateo 24:14 Iomraidhean Croise

Ezekiyele 7:10

Litangwa lya tuyando twakama lilinakwija ali Isalele. Mbweti yakukupupisa ilinakujovelela. Kulyalesa kunaama manene.

Mateo 10:7

Co yeni mukambulule ngweni, ‘Vumwene vwa mwilu vuli muyehi!’

Mateo 18:19

“Co njimileka lalo ngwange, nga muvuvali vweni ano asi mulizivasana a cuma coshe-icoshe cimukalomba, vakamilingilaco kuli Tate wa mwilu.

Mateo 24:3

Co Yesu watumbamene a Munkinda wa Oliveta, vandongisi vendi vezile kuli ikeye mu vushweke, vamwihwile ngwavo, “Tuleke mwaka uka evi vyoshe vikasholoka, co cizivukiso mukajo tukazivuka naco kwija kwove nakukotoka kwa kaye?”

Mateo 24:6

Mukaziva vinzita na lingwavo lya vinzita, oloni kesi mukajujuke. Omwo vyuma evi vinapande kusholoka, oloni kuvilumbununa ngeci kukotoka kwa kaye kunete.

Mateo 4:23

Yesu wendanganene mu Ngalileya mwoshe, nakulongesa mu masinangonge avo, nakwambulula Vin̄anda Vyavivwa vya Vumwene nakukangwisa vanu voshe vaka-mishongo yoshe na vaka-kuvinja vakuliseza-seza.

Mateo 9:35

Co Yesu waitanganene mwaya membo akama na mu tumembo twatundondo. Walongesele mu masinangonge avo, wambulwile Vin̄anda Vyavivwa vya Vumwene vwa Njambi, co nakukangwisa vaka-mishongo na vaka-kuvinja vakuliseza-seza.

Mako 13:10

Oloni omo simbu kanda yete, Vin̄anda Vyavivwa vakavyambulula kuli vanu voshe.

Luka 2:1

Co capwile ngeci a matangwa aje kuli Sezale Angustu kwatundile lishiko ngeci vasoneke vanu voshe mu Vumwene vwa Loma.

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Luka 4:5

Aje vene Liyavola wamulamatesele a munkinda, co wamumwesele mu kasimbu kakandondo vumwene vwoshe vwa ano a kaye.

Vilinga vya Miluwa 1:2

nakweta a litangwa lije vamutwalele mwilu. Simbu kanda vamutwale mwilu, washikile na nzili ya Munzinzime Wakujela vanalume vaje vaangwile kupwa miluwa vendi.

Vilinga vya Miluwa 11:28

Umo wavo lizina lyendi Angambase wemanene na nzili ya Munzinzime wambulwile vuka-kwimanena ngwendi njala ya lyangengela ilinakwija ano asi oshe. (Co eci calingiwile omo Kalaundyase wapwile nguvulu.)

Vilinga vya Miluwa 17:31

Omwo nemika litangwa lije akasompa kaye koshe mu vushunga ali munalume uje yanaangula. Co a cuma eci naana vukaleo kuli munu woshe akusangula munalume uje ku vatsi!”

Vilinga vya Miluwa 17:6

Oloni omo kuvavawanene, vakokangeyeye Njasone na vamo vaka-kukulaela vavatwalele kuli vaka-kushwana, co vatambekele ngwavo, “Ava vanalume vananena vukalu kwoshe-ikwoshevanaija kuno lalo,

Vilinga vya Miluwa 19:27

Co kuli vushonde vwakama manene, ngeci vipangi vyetu evi vikashauka. Kesi evi lika, oloni kuli lalo vushonde ngeci njuvo ya Atemise njambi wakama wa munakazi ikapwa yangoco, co lalo vukama vwendi vukahwa, vukama vwa njambi wa munakazi uje ivakalemesa kuli munu woshe muno mu Asiya na mu kaye koshe!”

Vilinga vya Miluwa 20:25

“Co njinendangana akati keni muvavoshe, kwambulula Vumwene vwa Njambi. Co ololo njinazivuka ngwange naumo wai weni akanjimona lalo.

Loma 10:18

Oloni njihula ngwange, mwa vushunga kuma kuvazivile lijwi ndi? Valizivile, omwo visoneka vyendeka ngwavyo, “Omo mutambi wa lijwi lyavo washandokelele mu kaye mwoshe, majwi avo etele na ku shongo ya asi oshe.”

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kolose 1:6

Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

VaHevelu 1:6

Oloni omo Njambi wakele kuyehi nakutuma Munendi wa ntwatwa mu kaye, co wendekele ngwendi, “Tungelo voshe va Njambi vanapande kumulemesa.”

VaHevelu 2:5

Njambi kaakele tungelo ngeci vakashwane kaye kakaha kaje kalinakwija, kaye kaje tulinakutumbula.

Kujombolola 14:6

Asinoni njamwene kangelo mukwavo alinakupulula mwilu a mukambwila, na lijwi lya Vin̄anda Vyavivwa vyakwambulula kuli vanu va ano asi na ku mafuti oshe ku miyati yoshe na ku vindaka vyoshe na ku vanu voshe.

Kujombolola 16:14

Vakevo vanapu minzinzime yakujwala ije ikalingi vizivukiso. Eyi minzinzime itatu ikayi kuli vimyene va ano a kaye oshe nakuvakungulwila amo lika ku nzita a Litangwa lyakama lya Njambi Muka-nzili yoshe.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.