Mateo 24:13 - Livulu lya Shukulu Kalunga

¹³ Oloni woshe uje akakateya na ku shongo akovoka.

Mateo 24:13 Iomraidhean Croise

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 24:12

Co omwo vuvi vunatumu, cizemo ca vanu ku vakwavo vanu cikatonola.

Mateo 24:6

Mukaziva vinzita na lingwavo lya vinzita, oloni kesi mukajujuke. Omwo vyuma evi vinapande kusholoka, oloni kuvilumbununa ngeci kukotoka kwa kaye kunete.

Mako 13:13

Co voshe vakamizinda omwo lizina lyange. Oloni woshe uje akakateya na ku shongo akovoka.

Luka 21:19

Koleseni, co mukaamena myonyo yeni.

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

1 Kolinte 1:8

Ikeye lalo akamikolesa mbe na ku shongo, ngeci kesi vakamiwane na mulonga a Litangwa lya Mwene yetu Yesu Kilistu.

VaHevelu 10:39

Yetu kesi tu vanu vaka-kwiluka munima nambe vaka-kuzimbala embwe. Oloni tunapu tu vaka-kukulaela nakwovoka.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.