Mateo 23:9 - Livulu lya Shukulu Kalunga

⁹ Co kumwapandele kutumbula munu umo wa ano asi ngweni, ‘Tatetu,’ embwe, omwo muli na Ishweni umolika mwilu.

Mateo 23:9 Iomraidhean Croise

2 Vimyene 13:14

Elisha muka-kwimanena wavinjile mushongo wakama, co omo wakele kuyehi na kutsa, Mwene Yehowashe wa mu Isalele wezile nakumumona. Walilile ngwendi, “Tate, tate! Yove wapwile muka-kwimanena wa nzili kutuvakana mashwalale voshe va Isalele!”

2 Vimyene 2:12

Omo Elisha wamwene evi, co watambekelele Elinja ngwendi, “Tate, tate muka-kwamena wa nzili wa Isalele unai!” Co kamumwene lalo embwe. Co mu vusiwa, Elisha watavwile cikoveyo cendi vimbazuvwila vivali.

2 Vimyene 6:21

Omo mwene wa mu Isalele wamwene vaSilya, wehwile Elisha ngwendi, “Mwane, njivatsiye ndi?”

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Mateo 23:10

Nambe kesi vamitumbule ngwavo, ‘Ntwama,’ omwo muli na Ishweni umolika na ntwama yeni umolika ikeye Wakuvwavesa.

Mateo 6:32

(Omwo vyuma vyoshe evi vikevyo vivakashakezeka vanu vaje vaka-kujeneka kukulaela.) Co Ishweni ali mwilu azivuka ngwendi munajeneka vyuma vyoshe evi.

Mateo 7:11

Inonwa yeni vaka-vuvi, muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana vyuma vyavivwa kuli vaje vamulomba ndi?

Vilinga vya Miluwa 22:1

“Vandolome vange na vatate, njitolilileni omo njilinakulyamena ku mesho eni!”

1 Kolinte 4:15

Omwo nameme muli na valongisi vakupwa 10,000, muli Yesu, oloni muli na ishweni umolika. Omwo mukuyoya kweni muli na Kilistu Yesu yange njinapu nji ishweni akuminenela Vin̄anda Vyavivwa.

2 Kolinte 6:18

Njikapwa nji ishweni, co yeni mukapwa vana vange va vanalume na ava va vanakazi, mwanendeka Shukulu Kalunga Muka-nzili yoshe.”

VaHevelu 12:9

Mu cisemwa cetu ca ano asi, vatatetu valinakutunyanyamesa, co tulinakuvasimika. Ngecivene, cinatuvakana manene kwononoka kuli Tatetu mu munzinzime ngeci tuyoye!

1 Yowano 3:1

Kengeni cizemo cakuhyana eci Tate alinaco kuli yetu! Cizemo cendi cakama manene ngeci valinakututumbula vana va Njambi, ngecivene, mu cifwa eci, mukemwo mutwafwa. Omu mukemwo vene vaka-kaye kuvatuzivuka, omwo vakevo kuvamuzivuka Njambi.