Mateo 23:7 - Livulu lya Shukulu Kalunga

⁷ co vazema vanu kuvakandelela na kasingimiko mu mitambela yakulandesela nakuvatumbula ngwavo, ‘Mulongisi.’

Mateo 23:7 Iomraidhean Croise

Mateo 11:16

“Yanini vanu va matangwa ano njasa kuvesekesa na vikajo? Vakevo vanafu ngwe vanike vaje vanatumbama ku mutambela wakulandesela vyuma, co vatambekela ku vakwavo ngwavo,

Mateo 23:8

Oloni yeni kuvapandele kumitumbula ngwavo, ‘Mulongisi,’ omwo yeni muli na mulongisi weni umolika, co yeni voshe munapu vasamba kuli umo na mukwavo.

Mateo 26:25

Yundasa uje vene wamwendele vungungu, wamwihwile ngwendi, “Mwa vushunga Mulongisi, yange vene ndi?” Yesu wamukumbulwile ngwendi, “Omo vene muunendeka.”

Mateo 26:49

Co Yundasa wetele washungamene vene ali Yesu, co wendekele kuli Yesu ngwendi, “Kwoloka kukale neni Mulongisi,” co wamutsembele.

Mako 10:51

Co Yesu wamwihwile ngwendi, “Vika ushaka njikulingilevyo?” Co uje kapuputwa wamukumbulwile ngwendi, “Mulongisi, njishaka ngeci njimone lalo.”

Mako 11:21

Co Petulu wanukile vije vyalingiwile wendekele kuli Yesu ngwendi, “Kenga, Mulongisi, muti wa mukuyu uwasingile unomu!”

Mako 12:38

Co omo wakele nakuvalongesa, co wendekele ngwendi, “Nyanyameni kuli valongisi va majwi a Lishiko, vaje vazema kwenda na vikoveyo vyavo vyavilaja, nakuvakandelela na kasingimiko mu mitambela yakulandesela,

Mako 14:45

Co omo Yundasa wetele, waile kuli Yesu, co wendekele ngwendi, “Mulongisi!” Co wamutsembele.

Mako 9:5

Co Petulu wendekele kuli Yesu ngwendi, “Mulongisi, mwamuvwa kuli yetu kukala kuno! Co tutunga mambalanda atatu, limo lyove, limo lya Mosesa, co limo lya Elinja.”

Luka 11:43

“Tuyando tweni, vaFaliseo! Omwo muzema kutumbama a vitumbamo vyavivwa mu masinangonge, co muzema vanu kumikandelela na kasingimiko mu mitambela yakulandesela.

Yowano 1:38

Yesu watengulukile nakukenga kunima, co wavamwene valinakumukava, co wavehwile ngwendi, “Vika mushaka?” Co vamukumbulwile ngwavo, “Lambi, wakala kuli?” (Lijwi eli lilumbunuka ngwalyo “Mulongisi.”)

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 11:8

Vandongisi vendi vakumbulwile ngwavo, “Mulongisi, ololo vene vanu kuje vashakele kukwasha mamanya, co uyongola kwilukilako lalo ndi?”

Yowano 20:16

Yesu wendekele kuli ikeye ngwendi, “Maliya!” Maliya watengulukile, co wendekele nendi mu ciHevelu ngwendi, “Lamboni!” (Kulumbununa ngwavo, “Mulongisi.”)

Yowano 3:2

Munalume ou waile kuli Yesu vutsiki, co wendekele kuli ikeye ngwendi, “Mulongisi, twazivuka ngwetu yove u mulongisi wakutunda kuli Njambi. Omwo naumo wai asa kulinga vizivukiso viwulinakulinga kuvanga Njambi akale amo nendi.”

Yowano 3:26

Ngecivene, vaile kuli Yowano, co vamulekele ngwavo, “Mulongisi, wanuka munalume uje wakele nove mu ngangela ya Yondau uje iwalingilile vukaleo? Kenga, alinakumbwitika, co vanu voshe valinakuya kuli ikeye!”

Yowano 4:31

A simbu ije vene vandongisi valombele Yesu ngwavo, “Mulongisi, lya vyakulya!”

Yowano 6:25

Omo vanu vawanene Yesu musambwa ya lishali, vendekele kuli ikeye ngwavo, “Mulongisi, unetele kuno simbu ika?”

Yowano 9:2

Co vandongisi vendi vamwihwile ngwavo, “Mulongisi, iya walingile vuvi ngeci asemuke kapuputwa? Ikeye nambe visemi vendi?”